حرّاج
الشاعر: ألشاعر محمد حسن العرادي الفئه: بدون فئه, وجدانیات,حـــرّاج
حرّجت بيّه السوالف چلمه چلمه
عّليْ كلمن مار ظل ياخذله حِصّه
***
مردعتني احلوگهم سوگ المكشّف
من صناديگ الفصم صنعوا منصّه
***
آنه بس أدري الرزق مو علىٰ البايع
ولا حتّى المشتري الموقف يخصّه
***
طنطنة بطّالي ضاع ابليل حندس
و امسىٰ للعثرات كل شارع مَگصّه
***
ما أريد انتظر من نعرات لگ لگ
يشهگ و جنحانه دهر الشوم گصّه
***
والصگر لو حتّىٰ ما حلّگ يعجبك
صيته عالي و كلها يمّه اتصير نَصّه
***
أدرس الصيّاد من شمرت يمینه
بعد ما حاجه أشوف اشجاب شصّه
***
أختصرلك دربي ما رايد أعطلك
واختم المضموني ابشطرين قصّه
***
مو مهم بيدك ذهب لو فضّه لابس
ماكو قيمه ابخاتمك لو طفر فصّه
***
محمدحسن ألعرادي