حزن انثی
الشاعر: ألشاعرة ام عدنان سیّاحي الفئه: اجتماعیات, وجدانیات,حزن انثی
✿ ✿ ✿ ✿ ✿ ✿ ✿ ✿ ✿
عليم الله الگلب متروس اهات
چثيره اهواي وسط الروح لچمات
ابد ماكو رحم والعمر شو فات
الزمن غدار من خلف الحسرات
بعد ماظن حنان انشوف هيهات
علی اشفاف العذاره ماكو بسمات
حزينه ابكل وجه ضلت النظرات
العواطف شحت ونهر الوفه مات
هذا اخـر زمـن جـتـنـا العلامـات
سوی احنه انعيش بس توجد مسافات
لان كثرة التجافي والخيانات
من اقرب شخص توصل الطعنات
تخربص كل غزل واتحطله عگدات
بـيـن الام وابـنـها وبـيـن الاخـوات
وتـصـير الاقــارب كـلـها شــمـات
بـعـد ماتبـقـی اذن تسمـع الونـات
وتذبـل وردة اخــدود الـبـنـيـات
ابسبب عوز الدنيه وكثر حاجات
العفيفه ابذل تعيش ابلا شكايات
وتتنــطر فــرج وتعــدله سـاعـات
وتخلص اسنينها تدمع ابصفنات
سهمها ايصير بس صفگة الراحات
وتضل بچفوفها تمسح الدمعات
✿ ✿ ✿ ✿ ✿ ✿ ✿ ✿
ام عدنان سياحي