خايف اندهلك
الشاعر: ألشاعرة ام عدنان سیّاحي الفئه: غزلیات, وجدانیات,خايف اندهلك
✿ ✿ ✿
خايف انــدهلك تعال…..وادري جيتك مستحيله
صــاير اهوايه ظلال…..واليحب ينسه خليله
وانــا محــتاج الــدلال…..وروحي بغيابك نحيله
گلبي كل لحظه ابسؤال ..ومابقة عندي وسيله
والهجرياوسفه طال.…..وچني اضل ذكره جميله
وانـتــه بسماي الهلال…اليبزغ ابكل عام ليله
ياعشگ روحي الزلال… روحي يم بابك دخيله
خايــف اندهلك تعال…واصبح ابموقف خذيله
وانحسب رغبة جهال….والعقل يطلب رحيله
وتحچي بيــه المايقال…واصبح اهزوجه وهزيله
وانا بيه وكـتي عال…وشايل اهمومي ابشليله
واخذ مني كل خصال…الفاهم وماصح مثيله
مابقه ابعــقلي مجـال…واليحب شاغل دليله
خـايف اندهلك تـعـال…وتنحسب من عندي عيله
ياحلــم شوگ ابوصال…ارحم ابروحي عليله
آه وبـلـوعة رحـــال…وشوفتك هيه التزيله
فرحه وابفـوز الـنضـال…كلاسير وحل سبيله
ياصدی الصوت ابجبال…وصرخة الخيل وصهيله
نور نظــــراتك كَفال..من حروف الله الجليله
مشرق ابـذوق وجــلال…والگمر انته بديله
اِنتَ رسمه امن الخيال…واَحلا فرحاتي القليله
خايـــف انــدهلك تعال….واصبح ابحبك ذليله
✿ ✿ ✿ ✿ ✿ ✿ ✿
✍ام عدنان سياحي