خیعونهم

خيعونهم
………..
خيعونهم …
دگّه و نَفَس
خيعونهم حتى الضوا ابضلهم جلس
خيعونهم مستور حتى اخيالهم …
و الطولهم ما شوف من بَـحّر لمس

عاشوا  ستر يستر ستر
كُون الله بيهم مستچن و احنا نلوذ ابكُونهم
خيعونهم

نشرب عِلم سر الأرض سر السمه
نحضى ابوقار القانمه
لو نقرا خط اضنونهم
لو نبحر ابأنجاز شوف اعيونهم
خيعونهم

همّا اجاويد الأرض منهم خذت
بيهم علىٰ ابليس الذنوب اتعوّذت
وتلذّذت
لنها من الله امنزلات افنونهم
و الباري سن اعله البشر قانونهم
خيعونهم

عشنه و نعيش ابدين يسحر مبلغه
يصعب تفسره اهل اللغه
لو رايدين الذهن مرّه اندغدغه
يصعب عمر نگدر نسد اديونهم
و اهما الكرامه انشالت اعله امتونهم
خيعونهم

بالمختصر ختم الحچي
يتحدّىٰ كل الكهكهه و كل البچي
بس انت فرّغ راسك ابختم القصيده و انتچي
بيت النبي …
ينزل من الله و بي أكل ماعونهم
يعطونه للفقره ابعجل
رغم التعب رغم الوجل
وتحس يشدّون ابوزار ابطونهم
بس لا يرد سايل طلب حاجه اعله حد اضعونهم
تضحك سعاده اسنونهم
خيعونهم
خيعونهم
……….
تمّت بقلم🖊 محمدحسن ألعرادي