دیمه وسنابل

ثاري الوكت ديمه وسنابل…
موال ناغه وصوت نايل…
ضحكات واسنون ومناجل..
احديثات وكت الفجر غبشن…
.
. امدافع على ادروب السواني..
بحلوگهن تحله الاغاني..
لگعد على ادروبك واتاني..
كلهن سوة وبلشوگ غنن..
.
.
غنن سوة وياشوگ حاير..
لاعب غنج روس الضفاير..
ترفات چن ورگ الجگاير..
تاهن ابريسم فوگ علن..
.
.
تاهن سرب ياروح ترفه..
ويه النده وحطن ابخفه..
حدر الگصايب ريع يغفه..
هيل ومسچ شالن تدلن..
.
.
سرب الگطه وسرب الحباري.
حومن على الروس الظهاري.
روس التلال ونبع جاري..
ريع وامان اهناك چلن….
.
.
ما تسمع ابونهن بواچي..
يتلامعن شبه التراچي..
چنهن عجد مصيوغ لاچي..
شبه الفخاتي ابروض حطن..
.
.
چلن على الغدران چلن..
ومدافع وكلهن يضحكن..
مرهن سموم الگيض طشن..
فاتن سوالفهن تعدن…
..
.
مال الوكت بيهن يخي مال.
طشن يناهي ابروس الايبال.
مرهن خريف الوكت خيال.
ذبن حملهن شيب لبسن…
.
.
ثاري العمر ديم وزرع صيف.
مگرود غصبا ياخذها الهيف.
هنه اليحتن موش بلكيف..
رغما على الايام حتن….
.
.
شايع ابو ياسين….