رحمة الجبّار
الشاعر: ألشاعر منصور ألعرادي الفئه: اجتماعیات,«رحمة الجبّار»
يَمْگيّداتك كثره لٱوزار
وطاحت علىٰ راسك مصيبه
يا ذاك لا تلبس ردا العار
هالثّوب موش انته صحيبه
لا تشبك الأفكار بٱفكار
هالحال ما حلٍّ يجيبه
والزوم تطلب رضا الجبّار
هالخالگ الدّنيا العجيبه
إستغفر الربّك يمحتار
هُو شاهد ابعيده وگريبه
سيّر انياگك بالٱستغفار
والتّوبه خلّيها ٱتحَدي به
عنّ الإبل نزّل الأكوار
أكوار ذنبك وٱشتَبي به
رحمة الباري اتحيط كل دار
وكل مومن ايحصّل نصيبه
بسم النّبي إدعي والاطهار
من شفت ساعاتك عصيبه
بالحشر تِنجه من لظىٰ النّار
وحرّ اللهب يبرد لهيبه
منصورالعرادي
٢٦ جمادى الثاني لعام ١٤٢٦ هـ ق
١٣٨٤/٥/١١ هـ ش