رسالة مسلم الی الحسين عليه السلام
الشاعر: الشاعرة زهراء جبار الفئه: حسینیّات,رسالة سيدنا مسلم الي اباعبدالله الحسين عليه السلام
** ** **
لا تبني الخيم طوفانهم مجبل
غيم ابلا مطر حالوبهم يكتل
***
ماي و خيّميتوا بنص صبخهم روح
دهلتهم هند عالماي تستفحل
***
كابوس و لفه الكاروك والتفسير
باچر بالنحر نَبلتهم اتهلهل
***
صلفه اعيونهم عاميهاچف شيطان
خذاها و گادها و بيها الحيا اموشل
***
لا تبني الخيم باچر يموت الماي
خيمه ابلا وتد بيها الهوا ايغربل
***
منايرهم چذب واذانهم تزوير
سنابلهم طغت و الگاع تنگط ذل
***
گالولك شمس بس جابلوك ابليل
ايدردم طينهم عالجربه مستعجل
***
زلم عبادت الدينار چنها اغراب
من لمعة تراچی ارجالهم تنشل
***
لا تبني الخيم باچر عبايه اتطيح
و اچماله العقيله امچتفه على البل
***
خرنوب و سبي و الگاع شمرة شوک
واجناح الفراشه من الضرب يهدل
***
رسايلهم هلا وامنگبات اسيوف
خنجرهم كلف وسط النحر يغزل
***
لا تبني الخيم اهل السقيفه انذال
حوافر أعوجه و فوگ الصدر تنزل
** ** **
زهرا جبار