سجل التاريخ
الشاعر: ألشاعرة ام عدنان سیّاحي الفئه: ولائیات,سجل التاريخ
✿ ✿ ✿ ✿ ✿ ✿ ✿ ✿
سجـــل التـــاريـــخ وارباب القلم
للعقــيله ام عون وامها ام الحسن
***
كــل تفاصيل المضت ذاك الـــوكــت
مـــن قضية الباب واجروحه المسن
***
كتبـــت الاف الكتب باحسـن صـور
مـــن طفولة بـت علي وذيچ السنن
***
وصلت الاحداث يم ارض الطفــوف
والمشاهـــد كــثره قـــط مــاينسَن
***
مـن الزغــر زينــب كفيـــله ابـعــايله
وابسفنها من ابّحرت فجئه ورِسَــــن
***
من عگب حيدر عله اجروف الضياع
احــمول شالــت ماتــهنت بلــوَسَن
***
مره چبده ابطشت شافت مـره راس
اعليها أهوال الدهر يتنادسن
***
اخـتــلاف الــنــار بـــالــدار وخــيــام
اثنينهن بــالـروح واعــلــيـها قــســن
***
مــره ضلــع الطاهـره ومــره الحسين
احزاب كل الحزن ضدها اتفرسن
***
وصلـــت الطف هيبــه ويــاهـــا الاسد
ابــيوم عــاشر كـل مشاعـرها احتسن
***
هيــه أنــثــی وللأنــاث اعظــم دلــيـل
نسوة العفّه ابحياها اتحسسن
***
زينب ابــديوان خطبة چن علي
حتى لحروف ابحچيها اتونسن
✿ ✿ ✿ ✿ ✿ ✿ ✿ ✿ ✿ ✿
✍ام عدنان سياحي