سحر هاروت

سحر هاروت….

انته العيد واعيون النجم تضوي الشبابيچك
تطرزلك ستاير ليلك ابياقوت….
من اتفوت…
تاخذ نورك الگمرة…
ورد خزام لاعب كل خشم سمرة…
يكشخ بيك جدح الماي
من يتراگص ابنهره….
قناديل العشگ تضوي ابحدايقنه…
وتغنيلك طرب موال ديرتنة…
يفرحتنة…
يچكليت العرس بعجود حارتنة….
يفيروز ابصباح العيد من اتگول جارتنة…
يرمانة حديقتنة…
حنينه الدرب لعيونك ابحنة…
وفرشنه ارواحنة الوجه السمه ونتناك..
گطرة ماي..
گالو جاي…
فوگ الغيم من شعرك نده ومال ابنهر جنة…
بعيونك سحر يل بيك ظل يكتب سحر هاروت….
بابل والجناين بيك طرزهن عشگ ماروت…
حگي من العشگ لو موت…
تعذرني من اغنيلك واناغيلك واصيح ابصوت….
احبك والعشگ بلوة
واخطها ابخشبة التابوت….
…

……ابو ياسين السيلاوي…