سكتنه
الشاعر: ألشاعرة ام عدنان سیّاحي الفئه: اجتماعیات, وجدانیات,سكتنه
……………………..
سكتنه ومادرت كل ذيچ الاحباب
وياهم ابـــــد مـــازدنــــه العتاب
▫▫▫▫
سكتــنه ومــا حچينه الصار بينه
عگـــب ذاك الــمرار الـــمر علينه
دگيــنه الصبـــر بچفــــوف ادينه
مــاصافحنــه عـــاذل لا نخــينــه
گطعنه الياس منهــم والگلب تاب
▫▫
سكتنه وماشكينه اوجاع الارواح
ولانعتب بعـــد وانسولف اجــراح
سكتنه ياخلگ مــــافــاد الصيــاح
عفنه اوجوهم والگلــــب مــــرتاح
ومرتاحين كلش والجـــــرح طاب
▫▫
الحگو ارواحنه خلصت بــالوداع
اشما جــار الدهر والهجــر منــاع
هــا يـــــولاد مــاحشمنه يـاسباع
لان العـقل كامــل والـگلــب طاع
عگب ما ايسينه والامـــــل خاب
▫▫
سكتنه وماطلع بوجــوهنه اثــار
لان عــدنه الـعــناد اســـلاح بـتار
لا صـــاحـب دره لاخــل ولاجـار
تحت اضلوعنه يسعر جــمـر نــار
وظل بس الدمع علوجـــن سياب
▫▫
سكتنه والسكوت اعظم سجــيه
نعمه ومنفعه وحكــمـه وهــــديه
مــن رب السمه الكل الــبـريــه
ولـو بـــس للبــشر هـــم واذيـــه
ومن كثر الوجع راس الگلب شاب
▫▫
سكتنه واندفـن كـــل هم السنين
وسط اصدورنه اگبـور ومطاعين
عتيجه وعلمتنه اسرار مـــاضيـن
چن گعدت مشايخ نـص دواويـن
ماتحچي وتبـــث كلـــمه للانساب
▫▫
سكتنه وبالگلب باتـــت الحسرات
بس لله شكينــه ونهـــل دمـــعات
كابــرنه وختمنــــه العمــــر باهات
وحملنه اهمومنه وزادت اللچـــمات
سكتنه وبالحشا مضمومه الاسباب
▫▫
✍ام عدنان سياحي