سلسلة ابوذیات اهوازیّة
الشاعر: ألشاعرة ام عدنان سیّاحي الفئه: اجتماعیات, موال و ابوذیات, وجدانیات,الابوذیه الاهوازیه🌹🌹:
شلهاك
علـــيـه اشعطلك يـاشهــم شلهاك
وتهزل گلبــــي من فـــرگاك شلهاك
جروحـه والحـــمل يتــنــاك شلهاك
وخذها الروح اونطيني المنيه
وبالي
ودادك بــالگلــب صبــــح وبالي
وكل جسمي نحــل لجلك وبالي
يمــك فكــري وعقــلي وبـــالي
واسولف بيك كل صبح ومسيه
✍️ام عدنان سياحي
يارَحالي
تگلـــي ارتـــاح وانــسـه يارَحالي
صبــح شامـــت خويــي يارَحالي
وصبر وهــموم تطحــن يــارَحالي
وانا المنثور وايدوسون بيه
✍️ام عدنان سياحي
وجريته
دليلي مـــــن عـــنادك وجريته
ابسبب كـل الجنيـــته وجريته
لــون عتيتـه غـصبـــن وجريته
يضل اعلی العهـــد حتی المنيه
✍ام عدنان سياحي
واله انظم
هوانه الشاف معشرنه واله انظم
وعرفنه اسرار نحفظله واله انظم
ابمحبته هلگلب صادق واله انظم
وابـــد مــاخــالــف ولامــر بــأذيه
✍️ام عدنان سياحي
الدهر حاربني من زغري وركباي
سحل للهظم ماخـــذني وركـباي
يگلي وانحــنی ظهــري وركبــاي
بعــد ماتنثني وتمشــي ابوطيه
✍️ام عدنان سياحي
النخیته ابضیج خـلی منتخنّه،،
وعلي صاح ابغضاضه منتخنّه،،
ابحقد ناديته خشمك منتخنه،،
علی من ریت تلفاک المنیّه،،
✍️ام عدنان سياحي
فصلاي
ثياب الاخره من الساع فصلاي
يدنيه بس الي وللعمر فصلاي
اعجزت منچ وابد ماريد فصلاي
الچ طايح لون تدنه المنيه
✍️ام عدنان سياحي
يوسفه احبابي كلها اليوم ثارات
عليه و ارض گلبي ابفاس ثارات
واحس بالروح چيلة غدر ثارات
وصلــت للحشه وعمت عليه
✍️ام عدنان سياحي
ودمات
حسافه العشره ماطولت ودمات
وجروحي اتهزلت ياخلگ ودمات
ابد ماظل بـعد بالگلـــب ودمات
للودهـم صبح بس هم واذيه
✍ام عدنان سياحي
شتلاك
غصن جوري ابطريقي الدهر شتلاك
وعقل ماظل بعـد بالــــراس شتـلاك
قصيدة شوگ لــــو هجــران شتلاك؟
اذا حتـــی ابســـلام اتشــــح عليه
✍ام عدنان سياحي
ونتخالي
كـفــو بالـــي نخـيــتــه وانتخالي
خليل الگلبــك اصبــــح وانتخالي
اخـو مــاجابـــت امــي وانتـخالي
فخر لي ابـكل كلافه وموزميــه
✍️ام عدنان سياحي
وشلبي
جفني من الدمع ناشف وشلبي
ودليلي من الأسا ينزف وشلبي
بيدي اجروحه اخيطهن وشلبي
ولاحشم اخو وايمن عليه
✍️ام عدنان سياحي
موحن
بچت عيني ابهمير ادموع موحن
علی الشالو طـبگ يــاخلگ موحن
دليلـي العـــاشر الطـيبيــن موحن
وذكرت ايـــام الي وياهـــم زهيـه
✍ام عدنان سياحي
والميانه
عتاب اخـــوان اودي والميانه
علـی الــفارگ نزلنـــه والميانه
أخبـره بالمـــواجــــع والميانه
تحوط ابخافگي وروحي اباذيه
✍ام عدنان سياحي
بشرها
روحي الوكت بحــزانه بشرها
سگم سكن ابنص گلبي بشرها
سنين اطــوال محــتاره بشرها
عجزت ومــاالي شــرها ابّنويه
✍ام عدنان سياحي
ۧوهانت
الدنيـه اهـواي عادتنــي وهانت
ابحـزني شامته اتهلهل وهانت
گلــت لــــروح احــمليها وهانت
الي حسبات وياها ابــرويــه
✍ام عدنان سياحي
مرود
احــن للي يمــرني چــان مرود
وينشف الجفن من الدمــع مرود
كحل من الحجر مو بشـر مرود
ويدور بالزلل وايعد اليه
✍️ام عدنان سياحي
ونين الثــاكله هـــل گلــــب ون حيل
عليك وظهري محنی صبح ون حيل
انـــاطـــر طلتك اعليه
وعيوني الجيتك اربيه
علی الهجـــران مــابيه
عليك اطيوفي مامرن؟
دليلي وعگلي الك فرن
ونين الـفــاگده جــرن
تضــل هالروح تــرجه ادخيل ونحيل
وتسـايـــل عــن رحيلك يـــا نــويه
✍️ام عدنان سياحي
صعب هجرك علی و ضگت مره
وتمنيتــك تمــــرني ابطیف مره
عمـت عینی وبعد ماشوف مرّه
ابسبب چیه لن وصالک شح عليّه
✍️ام عدنان سياحي
واله انظم
هوانه الشاف معشرنه واله انظم
وعرفنه اسرار نحفظله واله انظم
ابمحبته هلگلب صادق واله انظم
وابـــد مــاخــالــف ولامــر بــأذيه
✍️ام عدنان سياحي