سلسلة ابوذیات

سلسلة ابوذیات اهوازِة

الگلــب فــزابتــوالـي اليـــل ونجر
ابحبل ودكم صبح مچتـوف ونجر
الـــدهـر مـهـما يعــانــد بعـد ونجر

تضــل الـــروح بــس الكم وفــيه

***

الدهر حضّر مخالیبـه والي سل
وگطعها ابتوت دلالی والي سل
ما مرنی أخو امنهلی والـي سل

وحسافه مـــادرو بـالـــصار بيه

***

ملوني

ياهـــل تنـشد علی لونــي ملوني
طــريح افراش واحبــابي ملوني
ابوسط جمـر الهجــر عمداً ملوني
تسهسه واستوه اشما حیل بيّه

***

ماهدتني

لعـــند ازيــاگي لــــزمت ماهَدتني
الـــدنیـــه وغــیـــر همها ماهِدتني
اعلدرب ال آه غــيــره مـــاهِـدتني
سرت بــي والحزن منحاط بیّه

***

وماهد
زمانی اسهامه حــضرها وماهد
الــي وبلچــبد نبــتهن ومـــــاهد
دليلـــي صبــح متعلــعل وماهد
علی الي صار مــن دهــري عليه

***

*الــدهر لبنــي وعلــيه صار ينهاش*
*ابناب الضيم عضني وصبح ينهاش*
*ابدليلي وعقلي مــن الألــم ينهاش*
*وصرت مجنون ادوُر ابلا وعيه*

***

يـالمــشاركـني عـگلـي منفصلتك
الـك گــلبــي تـهــــزل منفصلتك
غصب مطلـوب فديــه منفصلتك
والك بالروح منزل دون سيه

***

چنت عند الـــربع عــــالي معالي
صــرت واتنــسبت نسبـــة معالي
وحقوق الاخوه كل واحـد معالي
وعشت عمري معاهم باريحيه

***

كتـبـت اعتـــاب للـوليان خطيت
وچـن ابـهـــلامر ياخـــلگ خطيت
روحي امن الندم چن ورق خطيت
وطاحت علارض جثه رميه

***

سلاسل

عـــذب للماي مــاذوگــــه سلاسل
ودليلي من عــگب عينك سلاسل
حملت اهوال من دهـــري سلاسل

مثــــل حــمرين واجــبال اطلسيه

***

تراناي
عزف لون الحزن بيه تــراناي
دهري و غير ارسومي تراناي
وعلی نار القَدَر سهسه تراناي
بقه وماينعلس چبدي ابرويه

***

وصلني اكتاب من عـدكم وردلاي
بعثــت اعيــون سهرانـــه وردلاي
عتـــاب وشوگ ومــــطرز وردلاي
وعرفت ارواحكم نـــزها ونقــيه

***

وهدلاي

زماني بيــر الي حافــر وهدلاي
وتصرفن بالهظم والهم وهدلاي
ابد مايـنصح ويجبـــر وهــدلاي

بالــي والفكــر شاغل سويه

***

وشلبت

ينزف بــت ياخلــگ الله وشلبت
ابدليلي امحمله الــدنيه وشلـبت
علی اچتافي احملت همهاوشلبت
اليه بس مرض واسقام هيه

***

يـدهـــري طعنتك صابت وشليت
جسمي و خيطت جرحي وشليت
بــديــه ابلـيــت اتمـــنـــه وشليت

اذا يخلـــص عمـــر هــم واذيه

***

الابوذیه الاهوازیه🌹🌹:
وسكّن

الــدهر جــاب القـهر ليــه وسكّن
ابدليلي وصــار يتحــكـم وسكّن
الامربيده وجـــرح روحي وسكّن

وعلی هلحال كل عمري اباذيه

✍️ام عدنان سياحي