سلسلة ابوذیات
الشاعر: الشاعر عبدالأمیر الحمیداوي الفئه: موال و ابوذیات,سلسلة ابوذیات
** ** **
شصفی ابمای وجهک بعد شخبط
وغیرک یاهو بلدلال شخبط
اذا بل غابه تسمع یوم شاخ بط
عود انسه البده منک علیه
** ** **
الغیر الحَب علی یاناس مخلص
وانه ابحیدر الی امنل نار مخلص
اخذ یل ناکر الکرار مخلص
کلامی وروح لاترتبط بیه
** ** **
لیالی امسامر الخلان عودی
وانه الضکنی زمانی ویبس عودی
سولفلی اعله وکت الزین عودی
وانه الماشفت زین ابهل دنیه
** ** **
مالو چنت ماظنهم یمیلون
الگلت مایوم من عندی یملون
حچیهم لون یم غیری یمیلون
ابفعلهم شبو النیران بیه
** ** **
اجلبنک یلیلی ودمعی دم یجری
السبی زینب انوح ونوبه ادگ صدری
یریت ایطول لیلی ولا یطر فجری
ولا اسمع اخبار السبی وتعذیبه
** ** **
یجل القارئ الکریم
الرجل لوما یعرف اعیار منّه
ردی وبالک تدوّر طیب منّه
فضل ماشفت منه وزاد منّه
اذا امسوی فضل شیصیر بیه؟؟
** ** **
بس لله واخوتی الراس وطیت
ولابلغش خذیت ابیوم وطیب
ابدرب الذل محال الجِدَم وطیت
ولابعت ابرخص نفسی الأبيه
** ** **
یدنیه اهمومی ابیا خط خطیتی؟
اشعملت انه وشنو چانت خطیتی؟
اسهام الغدر ما مره خطیتی
ابجفه وانیاب غدرچ تعض بیه
** ** **
زمانی اجروح بلدلال حطلای
وطیر السعد مافد یوم حطلای
حولی اتگول طوفة حزن حطلای
ولامره الفرح یمرگ علیه
** ** **
لسان حال السیده زینب (س)
یبس ریجی عله الخوان ونشاف
وانه گلبی حزن واهموم ونشاف؟
یوسفه اخلاف اخوتی انگاد ونشاف
وانه المحّد یشوف اخیال لیه
** ** **
اخوی الی گضه وکته کلویای
هجرنی وما یلوی احد کلویای
ابفرد ماعون من زغره کلویای
ترکنی وشایل اخشیمه علیه
** ** **
یحگ بفراگ خلّی من الوین
تسرنی اخبار صحته منه لوین
العگل لوهام منه،منه لوین
ومنه کل نحول الصاربیه
** ** **
ابعشرتی اویاک صدگ بلهم ارضه
ابشرط بس کون یمّک بلهم ارضه
یجینی اصواب منک بلهم ارضه
ولاطاری الهجر تطریه لیه
** ** **
انه طبعی اخاوی منخوانی
صلب ماهمنی دهری منخوانی
موصاحب اعدّه منخوانی
صدیجی الّی یعنزهه الخویه
** ** **
وحگ من ماتت ابفرگاه بته
گلبی انگطع من الظیم بته
صرت مثل الذی غرگان بیته
مایدری یروح ابیا نویه
** ** **
مَن لَک بعدی انه وانه ملّی
ودجیب اکتاب حبنه وانه ملّی
عفتنی وناسی کلشی وانه املّی
ترد واتجدد ایام الزهیه
** ** **
الاظنهم چنت الی بلخیر یدعون
جفونی وعود الی بلضیج یدعون
ارفعت چفی اللهی ابجاه یدعون
علی .لاتفرح الشمات بیه