سولفلي بعد يحمود

سولفلي بعد يحمود …..
عَلَي ضحكَةِ الشِّجره من يجي العصفور……
و علي اخشوف الـسَّلَف من تِجُـر صوب الهور…….
…من يَؤمَن علَيَ الگانوس بس لايسمع الناطور…
….وعيون الغزاله التذرف اعله الخَد …..والصيّاد مابي كل دغَش يحميها من خزرات عين الذيب …….

ايسِرّ خاطرهه ويگللها انتي اوياي…..وايذَّچرها همسات اُمهه مِنِّ اتگلها بعد اچلاي …….
سولفلي بعد يحمود……
…….من يلفي الغريب اِبسِبرَة الخطاّر للديوان ..
…
والناطور والصياّد.عرفو طبعه هاذ الجايهم فَتّان
…….وچبيـر البيت گدهه و فَهَم بالّديدان ….
…………………
وينفض ها عَباته و يحچي سَدّ ابسَد
………….. احنه البي خباثه اويانه مايگعد…
ولايِمِّن هذاك العينه عالبيدر بإِسم شَرّاي وبگلبه يِزِم وايعبّي وايشَدشِد ……….
سولفلي بعد يحمود ……
عن شيلتهه اُمنه التستحي امن الشَّر هيه وعَالحبل تفگد اعيون الناس …
.وابسِّدِّالضِّلال تريد تتستَّر ………
و زلوف امي حد الشيب ماحد شافهن يالون حتي الگمر من يجبل ابثلث اليل .گد ماتستحي من ايشوفهه ايحَدِّر
………………………
سولفلي بعد يحمود ……

ام محمد الكعبي … …