شته الودیان
الشاعر: ألشاعر شایع ألسیلاوي الفئه: اجتماعیات, وجدانیات,شته الودیان
نسم يا شته الوديان ذب روحك على الطينه…
جيب اوياك نفحة وطيب جيب اوياك ماضينه…
تعال ابغنوة العشاگ من اتمر بهالينه….
تعال ابضحكة الصبيان طرزها المحاچينه….
الگمر شال وغلاتك ما يدگ الباب
وحشه امست ليالينه….
المواجد عافها العطاب
شح اشباط غفله وحال شرجينه…
ضوة اخدود البنات انباگ
وابريسم شعرهن چان بربينه….
الگبل يتمايلن مياس لو هبت رياحينه…
تعال ابهمة الخنياب فشله اينوح چالينه…
نعي السباح يكسر خاطر الليهوب
لو مر ابشواطينه….
…
….ابو ياسين السيلاوي….