صبخة اگلوبنه
الشاعر: الشاعرة زهراء جبار الفئه: اجتماعیات, وجدانیات,صبخه اگلوبنه
** ** **
صبخه اگلوبنه و بینه السراب ایدور
علمامش رکضنه و یبس بینه الشط
**
غشمه و صدگينه الصبخه حفنة ماي
غرفنه و بس رمل بچفوفنه اتصفط
**
ضيعنه الدرب و الگاع تشبه گاع
خرنوب و عطش و الشوك بينه انخط
**
لا نجمة يدي دلتنه راس الخيط
و لا بسم الله فزعت لو جدم خربط
**
عميان الدرب و الگاده چف عميان
يا درب الخذانه من العثر نفحط
**
و لگینه اشگد فوانيس بسچچ عمیات
بعدهن نص عمر و الليل بيهن غط
**
تعبنه الدرب مابي اثر مبخوت
يدليك بشمس لو ليلك اتوسط
**
مد روحه العطش مدة حياية گیض
تلدغ بلجرح لو بينه واحد نط
**
بگينه ابلا شمس و العتمه رمدة عين
دنيه ابلا امان و بينه تتشرط
**
و عرفنه ابلا علي دنيانه صبخة موت
تاكل بلعظم نيران بينه اتگط
*****
زهرا جبار
الف الف الشكر والتقدير لكم شاعرنا القدير بوركت جهودكم المباركة
رحم الله والديكم
وفقکم الله لکل خیر استاذه ولا شکر علی واجب في خدمة الشعر والشعراء داعیاً لکم بالموفقیة الدائمة