صير غالي
الشاعر: ألشاعر محمد حسن العرادي الفئه: اجتماعیات, وجدانیات,صير غالي
خوض ميدان الحچي ابواهس نبوغك
وانخل امن المفردات احرف جميله
وطمئن من دربك ابدوسة اجدامك
لــو رخيّه الــگاع ماتـشيل الثجيله
طرّز اوجودك حناكه ابصيت شاطر
و اخلق امن اطباعك اشباهن قليله
صير غالي المستوىٰ و يصعب شرائك
حــتى زنــگين الــفِكر بـيتك يــجيله
لا تـصاحب الف بــس الفكر يصفر
صاحب اشويّة زلــم تملك حصيله
صاحبك لو صار واعي و عنده ناتج
ينطبعلك طابــع ابنــاتــج مــثيله
لا تصاحب خرده طبع الخرده وايد
إخــذ طبع النوط تحتضنك قــبيله
قلّــة التدبير ريمازه اعله خــشبه
تنوكل بــنياب من ازغــر فــصيله
من تواجه غلطه حاسب ذكرياتك
تلگه بيها اشگد صور قذره و هزيله
اذاً كل عثره ابحياتك لــوم نفسك
حيث عقل اليفتهم مامن بديله
::::::::::::::::::::::::::::::::
محمدحسن ألعرادي
تمت ٦ جمادي الثاني
١٤٤٣ هـ . ق