طبع السحاب

(وزن المذيّل)
طبع السحاب

طبعچ سِحِب يِحمِل غيث روّه الارض
يــافاطــمه وحـبّچ صـار ركن وفــرض
………
طبعچ سَمِح والمختار بيّن تره
من ورّثچ يعرف صار كلما جره
خيرة نسه وتنطي امراد وانتي المره
القدّسها دين الله ابكون طول وعرض
………
قدّستي حتى التقديس يافاطمه
لسمچ حرف يطفي النار والحاطمه
السلّـم عـليــچ الجـبار!!! هـم سلّـمه
وبدّل عسرته ابتيسير من ينعرض
………
من ينعرض عنده احساب بالمعمعه
تحــضر الـه ابساعة عوز واتشفعه
وايطبها جنة فردوس يامسرعه
لن حبله ويه اهل البيت مو منگرض
……….
لتمسّك ابأهل البيت نال الهدف
لن گطن خيرات الخير يمهم ندف
چن دُرّه صاروا يحموه داخل صدف
متحصّن ابهالتحصين بالمِفترض
……….
وانتي الحصن من نحچيچ لامو غلو
حبّچ شهد اي والله جدّاً حلو
والما يقبلون ابهاي خل يسألوا
گلب اليودّچ فوّاز فاز القَرِض
……….
يافاطمه وطبعچ هاذ يشبه سِحِب
هنياله كلمن بهواچ يعرف يحب
مستودعچ سر مكنون سامي و رَحِب
مهدي الّي صدر العادوچ لازم يرض
…………..
22جمادي الآخر
🖋️فاضل الثوامري