عشعش جرح
الشاعر: ألشاعرة ام عدنان سیّاحي الفئه: وجدانیات,عشعش جرح
✶✶✶✶✶✶✶✶
من الزغر بحشاي عشعش
اتربه صار اشگد مخيف
ودارت الايام واصبح
بلحشه بانيله بيت
اسس ابوسط الفؤاد
اعيال سواني نحيف
وكبرت اعياله وتمرد
ومنه ابدا ما بـــريــــت
طالت الاعوام و اسنين
الصبه عــدت كطيف
وهوا نفسه ماتغير
بس يجــــدد مــانهــيت
والدهر ويا عليه
حــاربانـي وسـن لــه ســيف
اتعاونو جرحي اويه
دهري وابد منهم ماشكيت
جرحي خلف مثله
كثره وانا بطفاله ابتــليت
اخذ مني كل تفاصيل
الجميله ابلمحـه حيـف
سلهمت لحظه ابزماني
وخســراني اشــما بنيـت
ضيعتها اسنين عمري
والجــرح خــلفله نـيـــف
گمت اضمد صرت بيهن
خيطت بـيدي وسعيـــت
ماشِفَت تنزف اجروحي
چـن نهر عابرله ريف
ايست من احله عمري
وباب حظي سكريت
٭٭٭٭٭٭٭٭٭٭٭٭٭٭٭٭٭٭٭
✍ام عدنان سياحي