عقيلة بني هاشم
الشاعر: الشاعرة ام حیدر النصاري الفئه: حسینیّات, فاطمیات,عقيلة بني هاشم
كل غـَــــــــلا مَكروم ينقاس ابغلاء
وبــــت علي فوگ العَرش مقياسها
الزيـــنب اجلالٱ العفــه اتصير بيت
والستـــــر ينحنـي ايبوس امداسها
ولو يعيرون اويّه زينب كل حجاب
يثگَل الميــــــــــزان من نــوماسها
ولـــو گلت زينب تَره اتأذن حروف
حي عالعبــــــــاس ثبّــــت ساسها
ولو صحت زينب تلاگي چم يتيم
الدمعه ويّه الضيــم عجنَت ناسها
ولو تريد اتصيح زينب تعمه عيـن
عالنـــــــهر مگطوع چَف نبراسها
ولو بعد هم من تنــادي يا حُسين
يكثَر اسيــــــاط المَتن باحساسها
ولوصحت أم الخِدر يعني الصمود
ايـــــداوي اجروح البگت حراسها
شنهو ماصيـــحن عليها اتفز نبال
ابرگبــــــت المفطوم لمن جاسها
ولله محتـــار العَگل الها اشيگول
الكشخت ابـتاج الشهامه ابراسها
والجـــروح اويـاها شَدّ امگمطات
اتلولـــــي بحضان الكفاله بأسها
ساعد الله ادليلها ابوكت الشمات
الحرّه ميّـــــت صيّحوا عبـاسها
وساعد الله روحهـا فوگ الهَزيل
شايليـــــن اعله الرمح جرناسها
هيّه زينب هاي زينب من تگول
تعطش الـــــروح المهابة كأسها
تعطش الروح المهابــــة كأسها
بقلم أم حيدر مكي النصاري
تاريخ: الأربعاء – ٣ جمادي الاولي ١٤٤٣
۱۷ آذر ۱۴۰۰