غیمة سوده

… غيمه سوده…
…
…
غيمه چلت علشمس وكت النهار
چلچلت شرجي وظلام امدلهمه……
الدنيه دخان وعمت بعض العيون
الما يشوف الحگ عسه ابعينه العمه…..
صوت صرخه اختنگت وضاع الضياء
حفرة وانهالت سواد امعتمه….
اليوع شاطرنه الملح طبعه الوفاء
الوكت طبعه انهار بس تشطر ضمه….
الحزن خمها وجدم اباب العجيد
مات عود الفرح نصبو ماتمه…..
نمنه سكته انخاف من طرة الفجر
انخاف خيط الشمس يشهر صارمه…..
ليل غطانه ابحيه وغاب الگمر
ننطر الهلوله تصنع ملحمه…..
ليل ظلمه وكسر اجناح الحمام
البوم حر وشاخ بجناح الظلام
الذيب لو ينهضم ما يقبل ينام
الحبر لو يزهگ يشگ حلگ السمه……

الضلع من ينكسر ما يجبر ابد
الحر لون نام الهظيمه اتألمه…

العفه مزويه الفخر شيله وعلم
والعواري اسموم تغسلها الدمه…..

الخيل چتفها الوكت عكفه السروج
احلوگ بخيوط السكوت املجمه….
.النار من تلهب جدح بيها الشرار
ومن تدوس الجمر تصنع مكرمه….

احسين گال….
الذله هيهات وحرام
الفخر بس دم النحور ايوالمه….

هام اليدنگ عمت عينه وحرام
الروس بعض الروس تقبل بلطمه…..

الدم لون ينبض يشگ روس الجبال
العزم لو يدفگ يبز عين المحال
المستحيل اچتاف ينسجها الخيال
ما ندنگ لا نشب فوگ الجبال
ما يغيرها الخيال
الفكرة لو عند العقول الفاهمه……
…..
…..
شايع الحسن……