في حق علي الأکبر علیه السلام
الشاعر: الشاعر عبدالحسین الصیاحي الفئه: ولائیات,قصیده الی امام علی الاکبر بن الامام الحسین ع..
ـــــــــــــ
اذن آذان الحرب ونهه الصیام
اتربع ابحضن الرگب سیفه وفطر.
ـــــــــــ
ابراسه نیت مشرعه وبلسانه مای
الوگف جدامه ابرمش عینه انشطر.
ـــــــــــــ
موت بعیونه وطلع یمطر شرار
من خزرته الجیش مرتین انصطر.
ـــــــــــ
طگطگ اظلوع المهُر من ضب گفاه
ومنه حتی الموت هم حس ابخطر.
ــــــــــــ
اشویه فرک ساعده ابمیتین راس
ورد علی اسکینه وعرج گلبه انفطر.
ــــــــــ
غیم الطف اوشبع سنتین مای
سیفـه حـالوبت رگـب دث ومطـر.
ــــــــــــ
صـوت سرچ اسنـونهـم سابـع سمـاء
یوصل ایحشم ابـد مـاکـو مفـر…
ـــــــــــــ
یصطر الفارس عجـب ویشگ گفــاه
هاذه ابنمن چنـه حیـدر لـو صطـر…
ـــــــــــ
تخـردل الجیش وخـذاهـم صیت ابـو
اتشارطـو بیناتهـم حیـدر طلـع.
ــــــــــــ
طیـح الثامـه وترهـه ابـن الحسیـن
عجبـه صابتهم محمـد چـن شـرع.
ـــــــــــــ
بکر ابن غانم طلع یحویله صیت
نفس ابن العاص لاکن مانزع.
ـــــــــــ
طمت اعیون الشمس شمرت عباه
سیفه اچال ابشکل بس مـاشبع.
ـــــــــــــ
ابشارب احصـانه الشمـر لایـذ دخیل
انریـد عطـوه ایگلـه مـوگلبـی انشلــع.
ــــــــــــــ
لـزم بطـن احصـانـه وسرع للقتـال
ابگلبت اعیونه اسمـه اعلیهـم فــزع.
ــــــــــــ
صـاح ابـو کفهـم علی یاخذنــه لیل
وخلک اشویـه تـره القاسـم گبع.
ــــــــــــــ
الساتـر الله اعلـه الگمـر لـوهـز لــوا
الگاع بیش اطیـر لـو عمـک سمع.
ـــــــــــــ
ک. عبدالحسین الصیاحی