في حق السیدة الزهراء سلام الله علیها
الشاعر: الشاعرة ام محمد الکعبي الفئه: حسینیّات, ولائیات,قصيده الفاطمة الزهراء
سلام الله عليها
آه ياليل المدينه اشگدعذاب
جَرُّبت بت فاطمه ثاني المصاب
*******
وحشه ليلك يا بقيع البت علي
دمع الأمصاب وهَجرگام ايهَلي
لا تعوفيني ابحزني يَمّي وهَلي
تنوح لمها وگامت اتزيد العَتاب
********
يمه لوترحين تُبگالي الغُصص
يارمح فرگاچ بگليبي يگُص
اشلون اجرعه الصبرمابلعه وغُص
اچتافي نحلانات مَيحملَن عذاب
*******
آخ يالدنيه اشكثر ميشومه
عيني ماتاخذ علي امي النومه
طفلـه عذبني الوكت مالومه
*******
كون وياچ اندفن حدر التراب
عونه محسن يمه ويّاچ اندفن
انه وحسين وحسن نشبع محن
اشلون ياورده الذبلتي من الغصن
منين اجيب الماي الچ كله سراب
********
اتصيح تانيني يروح المصطفي
صبحت متألّمه وماصح شفه
الفرح مات اوياچ خلاني وجفه
نار فرگه الأُم يصب اعليهْ مُذاب
*******
ام محمد الكعبي