في مدح الباقر ابن علي عليهم السلام

في مولد الباقر عليه السلام

قمّة مجد للسولفك
عندك عطاء الممنون
متسلسل ابهيبة زلم
اهل القلم من يروون
……..
عنوانك امخلّد أثر
منّ الصبىٰ امعلّم ناس
من منهل اهل المعرفه
يامُختَبَر كل احساس
فاهم شهم عالي ابعلم
چنّه العِلِم چفّك باس
لوسولفت يسكت زمن
واهل الزمن مايحچون
……..
من كربلا اتسولف عبر

وابهالعبر حلمك زاد
ترويها وانت الشاهدت
شاهِد عليك السجاد
وابثورة احسين القيم
ناتجها كلّ الأبعاد
شيمه وإبه وابموهبه
حاويها سرّ المضمون
……..
عمرك نَبِع شب وانتشر
من هيبة الوالد زين
وانت الحويت الهالفخر
من كربلا ومنّ احسين
سرّك عِظَم بي محتوى

وهالمحتوى اتگر العين
صاير هوىٰ الأهل الهوىٰ
ماظن گلب مامفتون

ياحجه لمكمّل حجج
خامس صرت بالمشوار
ياسيدي گلب اليحب

شيوصّفك ظل محتار
هيبة علي جدّك غدت
يمّك تجدِد آثار
ياضي جمالك من بزغ
حامل سعاده ابكل لون
………
29 جمادي الآخر1444
🖋️فاضل الثوامري