في مدح وشجاعة علي الاكبر علیه السلام
الشاعر: الشاعر هاشم آلبوغبیش الفئه: هوسات, ولائیات,في مدح وشجاعة علي الاكبر ع
***********
علي الاكبر اسد معدود و هيبه الساعة الشدّه
او منّه اتفر جميع الگوم صدّگ من يهد هدّه
وجها ايشابه المختار و شجاعه العنده من يدّه
«حيدر لو صال ايعدّونه»
***********
الاكبر للحرب من صال خلّاها الكفر طشّار
ماصدگو علي ابن احسين گالو حيدر الكرار
فارس ماوصل يمّه ابن غانم وگف محتار
«ياله ابن احسين و گط راسه»
***********
تفشكل جيش ابن سفيان من صوّل علي ابن احسين
صوبا و صاحو الكرار إجاكم هاذ ابوالحسنين
كلها اتدوهنت منّه ماچن چانت السبيعين
«سيف ابن احسين اتولّاها»
***********
تولّاها الـرگاب و گام يـحصد بيها بتّاره
غير الشرده منهم غاد ماتحصل بعد چاره
الشارد فاگد الچفّين و ظلّت تستعر ناره
«ادخيلك كلها ادخيلك تصرخ يبن احسين»
***********
ادخيلك تصرخ الفرسان وطّف هزهز اركانه
ماتو رعب منّه و خوف من لوّح عله احصانه
صاح انه علي ابن احسين و جدّي المرتضي انه
«الزامط وينه الزامط خلّه ايلاگيني»
*********
الاكبر بالحرب راهي و تضل صولاته معروفه
ابشجاعه ايشابه الكرار ابنور المصطفي اتشوفه
خلّه الجيش كلّه احتار يوم الهد عله اصفوفه
«وشجعهم گام ايضم روحه»
***********
شجاع الگوم ضم روحه محّد وگف جدّامه
چن جدّه علي الكرار يومٍ يشهر احسامه
علي ابن احسين ونّعمين جدّامه الخصم هامه
«نزّل من صال اعله الحومه»
***********
هاشم كارون البوغبيـش