قاضي الحاجات
الشاعر: ملا علي رضا ألنوروزي الفئه: ولائیات,قاضي الحاجات
گصدتك والدمع يحچي ابمصابي
وريدن أشتكي همي و عذابي
***
اجيتك طلبتي و بيدك يمولاي
الف ونه والف حسره والف داي
بعد ماظل الي فكرٍ ولاراي
لِمَن غيرك أوجهله عتابي
***
اوجه إِلمن عْتابي او ونيني
وغدت بس اعله گبتك تربي عيني
مذنب والذنب غاطي سنيني
اريد اصرخ وريد ترد جوابي
***
لحلفك بمك الزهره الحزينه
لحلفك بالگضه ايفطر ونينه
علي اصحابه وعلي بناته وبنينه
ودري ابعمّتك تسمع خطابي
***
احلفك مااحلفك بالمصيبه
ودري ايجرحك امصاب الغريبه
لان مو عادت الساده نجيبه
تظل تنخه ولا منهم مجابي
***
تظل بين الغرب تنخه عظيمه
عداكم تضحك تشمت هظيمه
صدگ رادوا سكينتكم نديمه
ولاواحد حضرها ولا صحابي
***
تشاگف والضرب ورم اديها
بعد جدك مصايبهم عليها
واذا نشدت رقيه عن وليها
جرح ويزايد ادموع البيابي
***
تشاگف لو تجاوب لو تخاطب
لو تنصب عزه ابخفيه و تناحب
وخاف اتهد الك حيلك مصايب
غريبتكم ثگل ادري حسابي
***
اردوكتم دمعتي ابجوف ضايج
يبن جعفر اجيت اجروح هايج
ودري أرجع وبيدي الحوايج
قليل اشما ثني بيكم كتابي
***