قصيدة فكاهية
الشاعر: ألشاعر الأدیب سید محمدصالح ألموسوي الفئه: فکاهیات,قصيدة فكاهية
راح مفتاح الموتور ضيعيته
دوريت و ابد ماحصليته
……….
الصبح غبشه و ارد اروحِ لمَدرسه
روحي من كثرالقهر متحمسه
اشلون بلوه اليوم عدنه جلسه
الوكت فات و للأسف گضیته
……
یا الهي وين ضايع هالسويچ
گمت اتدردم و اگولن لیش هیچ
و انتي ذاکرتي القويه اشصار بيچ
جربلیت امکان ماخلیته
……
امشلهب او محترگ بالنار الفؤاد
دوریت ابکل کتر حتی لمِخاد
ایسِت و المشتکی الرب العباد
اتوسلت بالمصطفی او ذریته
……
اشلون اروحن مشي او ماکو اکرایه
اشگد تلیت اشچم دعا و چم آیه
و آیة الكرسي و نذرتِ اگرایه
حتی ابوالحسنین هم ندبیته
…..
مبتلي الانسان كل وكته ابخطاه
گمت الومن نفسي من هالإشتباه
ضاع مفتاحي الفكر يا ربي تاه
ليش بيد ابنيتي آنه انطيته
…….
بختي هم ضايع تعالوا اندوره
و المشاكل دايماً متعكره
فگري یلگف کل وکت طایح ورا
شوفوا فگري اشگد قوي همبیته
…….
امنین اجت هالمشکله و هالدندره
اتکدریت امن الذي صار و جره
ابطلعتي امن الدار شلتِ القندره
او لن سِويچ الموتور بیهه الگیته
……
سیدمحمدصالح الموسوي
آل حكيم