قصیدة التبرّي

قصیدة التبرّي

لـــــــئن آدم و حوّا استطمعو للذوق
بــــــــــني آدم شلع يركض ورا المزّه

و انت بحيث ضايگ خبزة الشيطان
مو عــــــجبه اليجوع ، بخبزه تبتزه

و انا يمّك و اشوفك و اعرفك يا ثور
مايـــــــحتاج ترفس؟ خــورك؛ اليَزّه

نيشنتك عدل بس عمداً استخطيت
بــــــــــيها شگد رسايل چلمـة البزّه

ابـــــــــــــحزتها بابك ما اشلعا ارتاح
هــــــــو بكيفه يهوا امن اشلع الرزّه

هـــسّه بيا زمان و يا مكان اغتاض؟
مــــثل يوم القيامة اخفيها هل حَزّه

وانا ادريك طيف و واجب اكفر بيك
تــــرا ذنب الحلم كـــــفّارتــــــه الفزّه

سلــف چنت انا بيك محاوط بجدران
و كل ظنك اذلّـــــــــــن مثل اهل غزّة

و انــــــــا حيدر امامي و خلفي الكرار
و بصفاحي علي يــــاهو الذي يهزّه !!؟

امــوگفك علجرف ذل يابس الشيطان
طبيعي اتـــــمسخر الـــــمات بنهر عِزّه

و انـــــا مخلّيك تمرح ما اشدلك راس
جدام الــــــــــــصگر خل تلعب الــوِزّه

هدد يا جبــــــــان الـــحچي گدك كون
يوصلّي و اگلـــــهم طِــــــــزكم و طِزّه

جـدّك للحــــــــرب راح و رجـــع عريان
وانا راح و رجـــــــــع وي روس محتزّه

و لا تگعد صدر يالتحچي خيط و خيط
غفلـــــــــه و تنسطر و اتـــــنز فـــرد نزّه

#الادب_الاهوازي
#هادي_الفاطمي(الشمّري)