قطعة ماس
الشاعر: ألشاعرة ام عدنان سیّاحي الفئه: اجتماعیات, وجدانیات,قطعة ماس
~~~~
انتي قطعة ماس
ممزوجه ابذهب
انتي اغلا امـن
الزبرجد جـــــوهره
والينظرچ ضامـره
وعقلــه انسلب
اشلون اوصفچ
انتي يلاسمچ مره
طولچ وحسنچ ،،جمالچ
كل تفاصيل ابخلقتچ
صوتچ المنه ارتهب
ارد اوصيچ ابوصيه
يلي دومچ ساحره
اعقول واعيون
وضماير ابشكل
وياچ ماشافت تعب
لازم اتقبلين انتي
خلقه جدا نادره
لازم اتشوفين حالچ
موش سلعه وللنهب
انتي مخلوقه رهيفه
وعلكلايف قادره
انتي انثی وضلع
ايمن للذكر بأهون سبب
انتي أم وأنتي زوجه
وأنتي بنوته رقيقه
وأنتي أخت أمخدره
شايله ألاسلاف كلها
والعشاير چل عواصف من تهب
انتي ملزوم اليريدچ
يعرف اعليچ اشجره
عاجز اني اشلون
اكمل كل صفاتچ
يل الچ رب ووهب
خالقچ نظم كمالچ
والخلايق حــايره
انتـي ياعُمله ثمينه
وبيچ مختلفه النسب
دوم اريدنچ تصوني
للشرف والعمر مهما سره
~~~~~~
✍️ام عدنان سياحي
ۡ