قمیص العمر

( قمیص العمر )

مو بـــس الـــینفعک بل ربع تـــِـهواه

حِب حتّه الیجرحک ودري ما تخسر

اذا راد الــقـلم کـــلماته تبقـه اسنین

کـون ایـعاشر الـــــحتراش و الـدفتر

اطـــــرد کل بـــشر ذم خلک ابمگفاه

و یــــگول المـــــلح بفـــــلان ما غزّر

لا اتصدگ العَلَم چی یگلب اویه ریح

و چلمـــــاته ابمهــب الـــــریح تتغیر

و الــیحمل دغش سـرّ ابگلــب فتّان

مو هلــیوم باچر ینحــــچي و یظهر

لو خلّک وفی بــدله اویه فص العین

من إختـــک تـمر بـــــل جفــن یتدثر

صح یمشی القطار و یرهب امن ایفوت

عن الــــــریل لاکن لـــــو زِلَف یخسر

لا تمشی ابـــدرب عاثر صدیجک بیه

من تعثـــر الیمــــنه الیسره هم تعثر

یتخیط غمـــــیص البـــظَهَر مطعون

لاکن لــو غــمـیصک ضــــاج ما ینزر

اکشخ بلـــربع ما عـــتگ هل ملبوس

و ابطــــــول العمر هل هدم ما یزغر

خلیـــــلک ربع من تضحک ایعیــدون

و هـلال الـــــفرح بسـماهه من تظهر

لو مـرک حــــزن لبـــــــسو گلبهم لیل

و مـدمعهم نجم یهـــــمل الک لو خر

عیش اویه الربع نـشوه ابگلب بستان

حتّه اگــصیرهم یـــحویک هــم یگدر

خلــیک ابجــــمعهم  لــــذّه بلگــعدات

چن طیحة عثـــــگ یم ربعـــک اطشّر

🖋️. موسى الديراوي 🌴