لقال في يوم المعركة
الشاعر: ألشاعر هادي الفاطمي الفئه: حسینیّات, ولائیات,ماذا لو كان الحسن هو قائد الطف؟؟
لقال في يوم المعركة : #
ياالله حيهم هاشم الـــــــيوم النزال
وباچر ايطــــــــــــم الشش ميدانهه
لفّو لعمايم يهل سنة الـــــــــرسول
راســــــــــكم هاشم عــِـدِل قرآنهه
زودكم شيـخ و تگهوونه الصعــــــاب
و يـــــكرع الـــــكلفه او تهز فنيانهه
ومالت الما جدّمت صـــــــدر المظيف
و جدمت الــــــــذيل و عمت جنحانهه
عــــودكم حيدر فحل فحل الفحـــــول
وعــــــــودهم فــــلتان و ابن افلانهه
گوم عون و اذبح الــــخالك رجــــــال
الـــخضّرت قلـة شــــرف گـــــيعانهه
و مد من الـــــعسچر لعد خالك مظيف
و گلّه اخـــــوك ايگـــول طب ديوانهه
و گلّـــــــه جيب اويـاك شبل ام البنين
الـ من يطب ســـــوح المعــارك زانهه
يلـوي خاصرة الـحريبه احسين اخـــوي
و يلــــــــــوي چف عبـــّاس كـل آذانهه
و يلوي مهره احسين اجه و عباس اخوه
رادفـــــه ابظــــــهرا او يجرّ اعنانهه
صاح ابومــحمد،: جاك احسين اخــــوك
اشتــــــآمر ابن امي اويا ريح اجنانهه؟؟
جيت و العباس شايل سيف ابــــــوي
و شـــــــــايل اچفوفه الثگل ميزانهه
والـــــــــنعم گلهــم صــناديد القتال
يلـّي بـلنيبـه تچــــــل فــــــرسانهه
شيل بچفوفك يلحســـــــــين اللــواء
او بلّل امن الـــــــجربه خويه السانهه
و گوم يلعباس الـــــــــزم ظهر اخوك
و شيل زينب فــــــــوگ راس اخوانهه
او خلّي عــــــبدالله اويه جعفر عليمين
و هد علـــه الــــــميسر ثگل عثمانهه
و گل الاكبر علـــــــــجناح ايرش نبال
و خلّي يدبچ عــــــــــون فوگ اعيانهه
و صاح علقاسم وجه ابشـــــيمة ابوهـ
گله بويه اليوم مــــــــــــد فرسانهه
تفزع و تجدم عمـــــــــــــامك بلنزال
و شكو زلمــــــــــه اتدنّگه الذرعانهه
و فزعه فزعوا والــــحرب غصّت رجال
و الحســــــــــن گام و چهب ميدانهه
و هلهلت زينب فـــــــــخر بين الخيام
وعالگ ابنفس الگــــــــــمر صيوانهه
و طاح بيرق آل امــــــــيه اعله اتراب
وقلعة ايزيد انچفن حيــــــــــــطانهه
هـادي الـفاطمّي