للإمام الرضا علیه السلام

 الامام الرضا علیه السلام

** ** **

نخیتک و الرسایل ردت ابلا صوت

لا هلهوله فزعة لا ظرف بشّر

مثل حال العلگ معگود کل اسنین

چفك ماركضلي و علگي اتعكر

عيني اعله الدرب و الريل شبخت ميل

لا سچه الخذتنی و لا قطار المر

وارد و اعيوني تمطر فيضت مرزاب

و مشحوف الخلگ بطين ضل زنجر

لا ذابح حلم لم فرهد الفلاح

لا منجل صرت لا سیف لا خنجر

لا زالق گطن نص هوسة النداف

لا چیمه احرگت لا کاره لاعنبر

كلهن سولفتهن غيظ یتبع غيظ

و لم لمت الصراير و الفرح صرصر

امسح دمعتي و عيب الحزن ينشاف

عيب الشوك علوردات يتبختر

و رديت و ضحكتي ظلت على الريل

و تحت جدمي الشوارع دايخه و تفتر

وصلت البابنه و شفت السراگي اخفاف!

گبل لا ادگلي باب الباب يتكتر

ريحت زعفران و راية و الشباچ!

و هلهولت ظرف مفتوح ومفسر

و شفت امي و ضحكتي الضلت على الريل!

و فرحتي الصرصرت و الريل يتعذر

مالت صفنتي و چفي الركض تجاي

و اذوب وي المدامع هيج واتطشر

و لمني الصوت ،یمه و داعتک داعیک

ذاک ال کل رسومه من علی و کوثر

رئوف و مرتضی و ضامن رضا و سلطان

اشما طال الدرب يم شوفتك يگصر

غیم اچفوفه تفزع لو عطش عصفور

لو اخر محطه زائر اتحسر

شدّیت الجنط و امودع الله اویاک

ریل الياخذک بسّچه ما یعثر

** ** **

زهراء جبار