للزهراء البتول
الشاعر: الشاعر والرادود ملا فاضل الثوامري الفئه: ولائیات,شعر
صبحكم الله ابعافيه بالدنيه والدين
واشگد جميل ابن آدم ايحصل هالاثنين
………
بسم البتول اشگد جميل ابدأ صباحي
من طاري بنت المصطفي ايصير ارتياحي
بالميه ميه امحَقَق ويحصل نجاحي
والعين اقرها امن الصبح بسم امّ الحسين
………
قرّة اعيوني ابهالاسم والخير اجه اوياه
ذكر الفرح يبدي وبعد ماظل ذكر آه
وامركّز ابحب فاطمه والفكر ماتاه
من هل جمادي واوصلت واحد وعشرين
………
يوم امس ميلاد الوفه ومولود الاحساس
عيد وهلاله من بزغ چن عيدت الناس
من زهرا فوّاحه العطور الهيل والياس
والطير غرّد بالسمه ابأجمل التلحين
………..
21 جمادي الآخر1443
🖋️فاضل الثوامري