لوليلي

لوليلي

لوليلي اعلى كاروكي ومهد عمري….
ابنعاوي الريل من يحدي…
ابنعاوي امي…
العمر سباح يوليدي…
گلايد لير وابجيدي…
ينبعة ياس يوليدي…
يبعد العافية وكلهن تجاعيدي….على ارسومك گظن نشغات…
ابادلهن حزن وايبات…بعيوني السهر چويات…
اساهرلك الوليلك واغنيلك يمر ليل الشتا ابصفنات واحچيلك…
سوالف مرن ابروحي وهوى الوديان….
وانة امك يطبع الماي متعوبة وجفن نعسان….
الم روحي نهر تعبان…
اطشنها ابسواجي الخير واتلمني المساحي ابشحة الناگوط
واتخضر تعب انسان….

يضحكة وفارگت روحي دلوليلي….
وامسحي اتراب عمري الهدل امتوني…
ويلوموني…
على اسنين المضن صفصاف متعوب ويلوموني…
على ارسوم السهر چويات باتن ليل بجفوني….
وبگاية الدار وارماد المواجد مولح اعيوني….
وشكل لوني…
دلوليلي صدگ تعبان…
من كلهن..من شح النسيم العاشر اگذلهن…
من ريح الخضيرة الفارگ اشيلهن…
من كحل البرار الچان بصبيهن…
يعين النوگ من تربي اعلى شوفتهن…
صفت عمدان…
مامش نار لا دخان…
مهجورة الربوع وبان…
بيهن للعطش نيشان…..
….يفرحة عيد رديلي
…دلوليلي…
….
….ابو ياسين السيلاوي