مبعث النبي

الظلام نفضْ لُمَن شعّت شموسه
غدت تسجد علىٰ رجله و تبوسه

محه فكر الجهل نوره بْشعاعه
على گْلوب البعض باتت نحوسه

يبو براهيم دهمه وما لها ادليل
تره ايطنّ الخبث بعده ابْطقوسه

وصيّك غمّض اعيون العدل راح
وجت ناس الورد نهجك تدوسه

صبح زاهي على المظلوم يومك
بْثمر تعبك تراهو ابْليس فوسه

ياكل من لحم زندك يمولاي
يذمنه وبعلي تنهش ضروسه

صدگ هاليوم لازم بالفرح عود
الفرحه سيّدي صارت عبوسه

انته الفرّجت عن كل حبس دين
وانته العيّديت ابإيد موسى

ونته الشرّفت وادي المفاهيم
خصب وخضر حليت اعروگ سوسه

ونته الكل مره زحْتِ الترب من
دفن أضمار بالأحقاد عوسه

ونته الستّرت عريان ماشاف
الستركله الفقر صاير لبوسه

ونته العلَّمت عالَم علم باد
أصله ومنتكس ماتت دروسه

وينك يا حلم واعي وتجينه
توعّي هالغفت غفله بْنخوسه

وين ابْنك يكمّل نور مبنه
الّذي رادوا تظل منّه رموسه

إنتم يا ضوه الما ينحجب يوم
شذى المحّد گدر يسعى الطموسه

ملا علي رضا النوروزي