متی ترانه ونراک

محموعة هات في مدح حبيبي المنتظر))

😔متي تراني و نراك😔

قاف،! جـرح الصاد، وينك جرح الم؟
بين عـــيني او عين عينك جرح الم
جرحي جر بلعيـــن جرحك جر حلم
وجرحي فزّ اجروح، جرحك نــادبات

جرحي هاي ادهــور ينزف لاوا الم
مرهم الجــــرحي الّي هايج لا ولم
مـا جـــست ضرع المفـارهـ لا ولم
ابجرحي نام اسنين ناب النايبــــات

صم صخــر طشن مواجـن عشرف
اوسايل المذخور شاهـــد عشُرف
گوم يا مـــولاي خصمك عشّه رف
وجنّـحن منّــه الضواري الجـارحات

ابيا طرف جبـــــلة جبينك وجّـهـــــه
وجهي مديــــور، الجبلتك وجّهــــــه
مطفي بردك، نار گلبـــي وجّهــــــه
دوّي بردك طفي نار الـــــــــداويات

تلمع اچــــــفوفك يبرجن قامه ضو
فَيْ ضوه ابظلّك، نـشاهد: قامه ضو
نص قيامك يابو صـــــــالح قامَ ضو
ونصّ الاخر نص ضوه و نص ضاويات

انهض اضعون المراجل سـوربن
والسحـاب ابغيظ ربّـك سـوربن
افزع اضدودك جحافل سوربن
بلضغاين گوم سرب امـدججات

حك بقايــا الله عنـدك نصـّه لن
نصـّك الفرقان و احمــد نصّه لن
كل سهام الگـوم صوبك نصلـّـن
والنصال اعله النصال امكسّــرات

نسلي من عاذب ولائك فاطمــه
يا نسل ستِّ العـــوالم فاطمـه
طاح ابو السجاد افـــزع فاطمه
منذبح مسلوب يبن الظــاهرات

النازع الشــــــارب ابنبلك سبّله
منگطع درب الله بيـــــدك سبّله
گوم المچتــّف ابسيفــــك سبّله
او چتّف اضغون العتيجه السابلات

ابآية الاكمـــال احلفك وشرقت….
علـــــرماح ابيوم عاشر وشرقت؟
تدري جــدم الخيل بلطّف وشرقت؟
اسئل اچفوف الگطيعه اعله الفرات

عاديــات اجيـاد، چهبــن وجر ُمَن؟
عيس المچبشات، جِـرمن وجرمن…
اموجرات اخيام، دنشد؟ وجرُ مَن؟
يبن المخدره الجيوب، الزاكيــــات

منگطع حبل المناقب فاصله
اوفـوگ حدّ الله عينك فاصله
اظهور المخدرات ركّن فاصله
الفصّل الزينب هزايل سابيات

ظلمه والهنـــدس هـنادس ياجهه
عن سبب غيبك اناشـــــد ياجهه
نور وجـــــهك يا ابوصالح ياجهه
صوب شمس النوگ لو بدر القناة…

ظلمة التنـــــــــور جدك واجهـه
ياوجيـــــه او نور وجهك واجهــه
فوگ رمـــح ايزيد لاصغر واجهــه
وفوگ نوگ الشام نسوه اموجهـات…

😔متي ترانا و نراك😔

عـــــاديات اجياد چهبن وجرُ؟ من؟
عيــــس المچبشات جِرمن واجرمن
امـــوجّرات اخيام دنــشد وجرُ من؟
يبن المـــــــوجره الجيوب الزاكيات

……😔متي ترانا و نراك 😔……..

ابسنّي بالع حــــوت وكتك بـــلعه ظام
و موج ضيك مــــــــا تهافت بل عظـم
ابعمـــــــري ناب البــــين نابت بلعــظم
و نايمــــــــات اويـــــاي فزّن نايبــــات

…..😔متي ترانا و نراك😔…..
الما ينيــــــــــل الله، عشقك ماينيل
و يحظه كُل ملهوف جالك ماء ينيل
گلبي سد من شـوگ مايـج مايه نيل
شگه شگه النيل معبر للنجــــــــــــاة

…..😔متي ترانا و نراك😔…..
جنة الفردوس عشقــــــــك موسهل
عل گلب صمـــصام هجرك مو سهل
اچفوفك البيضاء هلـهن موسي هل
و شگها شگ النيل يابــن الظاهرات

😔متي ترانا و نراك😔
دهسه و اهلال الظماير ضيّه جَن
و النــــــواظر من ضيائك ضيّجن
ضيّ المحجّل سمارك، ضـي يجن:
من بعيد، آثار جدمك ضــــاويات

😔متي ترانا و نراك😔
متي بــــــــــچبد اليل يـنسَل ضيُّمن
حتي نـــــــسأل يابـــوصالح ضيُّمن؟
عيــــوني ضيهن من غيابـك ضيـّمن
و فوگ ضيمي الضيم شيّد ناطحات

كل عمرنه ابشوگ وصلك كافنون
صـرنه ندرس فن ظهورك كافنون
مـن خلالك الله امره كاف و نون
كُن يا كُنه الكون ملجا الكـائنات

#هادي الفاطمّي