مجارات حمد
الشاعر: منتدىٰ لغة الضاد الفئه: ابیات مجنسة ومشاعرة,مجارات حمد
بین الشاعر شایع ابویاسین السیلاوي
والشاعر ابوحنان البحراني الربیعي
والشاعر محمدحسن ابوفلاح العرادي
** ** **
حمد هاك اكتب ابحبك مايلي…
روحي صحرا وتدري ودك مايلي…
ابهيده يل زلفك امهندس مايلي…
اشوكت نحضه ابفيض ساعة مشتهاك…
….شايع ابو ياسين….
** ** **
حمد هاک الگلب اخذه وردلی
من حنانک ینتعشلی وردلی
قصن جوری ورده اشمک وردلی
یردروحی حیل اشمه بشتیاگ
ابوحنان البحراني
** ** **
حمد تدري اشكثر مدمع ساحلي
والدهر بحبال كل هم ساحلي
گلي البطران اطلع ساحلي
احساب من عندي يدوّر بس فكاك
العرادي ابوفلاح
** ** **
حمد كل اعضاي هجرك شلها شل…
وروحي من غرب ظعنكم شلها شل….
ردلي هاك اجراح گلبي شلها شل….
ابهيده شلهن يل خذت روحي ابجفاك….
. ابو ياسين السيلاوي…
** ** **
حمد تدري اعظاي بُعدك شلهلي
صارت المَدّه اعله شطّك شلهلي
شخوتي اشناسي ابفراقك شلهلي
گوم ردلي او ليش مبعد وشدهاك
ابوفلاح العرادي
** ** **
حمد لو تدري ابغيابك واشجره..
گطعتها اهروش گلبي واشجره…
اشجاب واشوده صدودك واشجره….
جارة عيني الصد عماها وما تراك…..
ابو ياسين….
** ** **
حمد گلبي جمر بُعدك وجّره
گوم إسئل عنّي وشحل وجّره
حبل عشگك سحب گلبي وجّره
و انت مو يمّه وصرت لاهي ابهواك
محمدحسن العرادي
** ** **
حمد يا منوة الخواطر يامنه…
مانسيتك وحگ زمزم يامنه…
يامنى اصباي وحلمها يامنه..
ياحلم فزيت وابشف مشتهاك…
. اخوك الاصغر ابوياسين
** ** **
حمد شو انته لمقصّر امّنه
هاك إخذ الگلب عندك امّنه
وحگ عبدالله و زوجته امنه
انته عندي النفس و اتنفس هواك
لعرادي ابوفلاح
** ** **
حمد لو تدري ابهواك اشگد عذاب….
عذب بس تدري ابجفاك اشگد عذاب…
من علي من ذاب گلبي من عذاب…
مرني نسمه اوسعر ابروحي هواك….
اخوك الاقل شايع….
** ** **
حمد ماع الگلب لودادك وذاب
صاب ماي الوجه بس عندك وذاب
صار وكتي اچلاب چن تنهش وذاب
وانت مو يمّي علي مدري اشنهاك
اخوك ابوفلاح
** ** **
حمد صدگني ابودادك عيب امل…
اوشابح اعيوني اعله دربك عيب امل…
مال عن ودك دليلي عيب امل….
مال عن ودك ابودك واشتراك…..
اخوك السيلاوي…
** ** **
حمد غيرك والله محّد ململي
و الوكت دونك الواهس ململي
دونك الجرجيس أصبح ململي
سمل البس بعد ما البس شياك
ابوفلاح العرادي
** ** **
تمت المشاعرة خامس جمادي الثاني
عام 1443 هجري قمري