مجارات فاطميّة بين احمد الحرجاوي و ام عدنان سياحي
الشاعر: منتدىٰ لغة الضاد الفئه: ولائیات,بسم الله الرحمن الرحیم
٭٭٭٭٭٭٭٭٭٭٭٭٭٭٭٭٭٭
یل من ابوچ اورثتی اعظم و اشرف اطباع
دلالچ اوسع من نطاق السمه اویه الگاع
٭٭٭٭٭٭٭٭٭٭٭٭٭٭٭٭
مالومه فکری اگبال وصفچ دایم اضعیف
بس الله و الهادی او علی ایوصفوچ توصیف
لو عن عظم فاء اسمچ انشر الف تألیف
ما اعطی حگ نقطة الفا یالخلقچ ابداع
٭٭٭٭٭٭٭٭٭٭٭٭٭٭
ابدع الباری ابخلقتچ من سوّه الارواح
گل والدچ للجنه روح او والدچ راح
من طین احنه او انتی من اکلة التفاح
یا فاطمه انخلقیتی سمعینه الامر شاع
،٭٭٭
✍️احمد هرجاوی
٭٭٭٭٭٭٭٭٭٭
شاعت اخبارچ بالفلک یوم انولدتی
یم الحسن وابکل گلب مسلم سكنتي
خیر النسه بین النسه ابکل زمن صرتي
او حبچ صبح مثل الجمر بالروح ولاع
٭٭٭٭٭٭٭٭٭٭٭
عجزت اقلام اهل الشعر واهل الدواوين
محتاره بوصافچ توصف صارت اسنين
ابفضلچ حچت حتی الکفر یا ام الحسین
بارینه علّه اسمچ و ابد ما صح له مناع
٭٭٭٭٭٭٭٭٭٭٭٭٭٭٭
منـاع مايحصل الچ مهما جره وصار
قدوة نساء العالم انتی ابکل الادوار
ابسورة الکوثر كرّمــچ وانـطاچ الاطهار
واستودع الرب بیچ سر مابین الاضلاع
٭٭٭٭٭٭٭٭٭٭٭٭٭٭٭٭٭
✍️ام عدنان سياحي
٭٭٭٭٭٭
تمت وبعون الله وباقلام شعراء اهل البيت ع في منتدی الضادونسألكم الدعاء🙏🙏