من اعضاء منتدی لغة الضاد

سلسة ابیات علی وزن الموشح مــن أعـضاء مـنتدی

 لغة الضاد الغیاری مرصّعة بالإحترام والـود الأدبي

في حق مدیریّة المنتدی

** ** **

قال: عبدالأمیر الحمیداوي

الــعرادي یــا فـخر یــبن الاصــــول

خـلّفک مـلا عـــــلي فــحل الـــفحول

یبوافلیح مدری عن شخصک شگول

والــمنصّه استــادهـــه وخـــیّالــــها

** ** **

قال: منصور العرادي

وبـعد مــا ننـساك يالـعزمـك سلاح

تــهدي لـلأعــضاء بــاقات النّجاح

شــكرًا امحمّد حــسن يــابــو فلاح

جـمّعتنا ابــخيمه طــــيّب فـــالــها

** ** **

قال: جواد العتّابي

جـمّعتنه ابــخیمة الـضاد وبــــدیت

تشرح الاوزان و ابشعرک حچیت

الحمدلله و مــن عبــاده اتـشکریت

شکراً و احـسنت  روعــه الگالها

** ** **

قالت: ام حیدر النصّاري

نشكرك ادّيـــت ياعرادي الشهم

وابـذلت مجــــهود للــرقّه ابعزم

كل عضو بالدرس لازم يالتـزم

وشاع صـيت المنتدىٰ باعمالها

** ** **

قال: ملا غلام آلبوغبیش

و انـت زودك يـبوافـليّح مـا يِكَع

يا أديـب الـمنتدىٰ و صـيتك لمع

انت شعرك نجم بٱسماها انـطبع

عَلَم و ٱيــدك چـم  قَــلَم يحلالها

** ** **

قالت: ام عدنان الصیاحي

انـا ابــاركلك يـخي ابهل جهود

لتّــرقـي دوم يــعرادي تـــجود

كلمتك مبصومه وتوفي العهود

دوم مــوزونـه وتقــيّم حــالها

** ** **

قال: شایع السیلاوي

زود مـريـوشك وبالـغيرة ارتفع

عود تسع اعـجود بالـبيرق نشع

انتـه نـجم اسـهيل بالعالي اولمع

اگحيل بلمركاض لا كع لا وگع

سـبج بالـمطراد مــاح اويــالها

** ** **

قالت: ام مهدي العیداني

والنـعم منــك يـعـرداي الأصـيل

يلٌي صيتك جـبل شامـخ مـايمـيل

كلمتك مثل الدوه اتشـافي الـعليل

الك ابكـلوب البشر  منـزل جليل

ما اظـن واحــد اوغـيرك نالــها

** ** **

قال: علي الأسدي

دُر كـلامك بالـشعر  يبن الشعر

ما ابـالـغ بالـحچي بــيك افـتخر

انـته اسـتاذ ويـعرفـك كـل قُطر

والنواصب تضل انته اسلالها

** ** **

قال: فاضل الثوامري

يـــبوافــليّح كــلمتك دايــــم دوه

تعطي فكره البيها كل فاهم روه

شعر،حكمه ونقد حاويهن سوه

والــخلگ تــشهد لك ابـأقوالها

** ** **

قال: سید عبدالخالق الحنسي

بیک هذا المنتدی’ کـلّه اکتمل

یبوافلیّح وإعمِلت خـیر العمل

ابچانها ودایم چلمتك بل محل

للقوافي اتصيد وانته اسـلالها

** ** **

قال: سیدمحمد صالح الموسوي آل حکیم

صيدليّه الضاد و انـواع   الــدوا

بيها يـوجـد ماي للـظامي ارتوى

النثر  زادك  و الـشعر هوالـهوا

و السفينه الــضاد واحنه احبالها

اعرادي ربان  السفينه  بـوفلاح

البوصله اتـأشر الى نـحوالنجاح

چالمؤذن صاح حىَ اعله الفلاح

و   السفينه   امـخدراتِ ادلالها

** ** **

قال: احمد الحرجاوي

من تطب سوح الشعر فارس اصیل

بالحچی او کل ناصبی اگبالک ذلیل

القلم بیدک لــن مثل سـیف الثــجیل

من تــشیله ایـــطیح کــــل عیّالــها

ایطیح کل عایل اگبالک ما یـحوس

بیک لن یدری علی افچوچه تدوس

ابقلمک اتظل مو چلم تنثر رئـوس

او تـفرش الحومه ابلشش عذالها

** ** **

قال: هادي العیداني

الــعرادي يــا فــخر يبـن الـشهم

الـمنتدي ابـــزودك يــفتح يــفتهم

صارة المجموعة عاصفة الحزم

وانتـه نــجم الــمنتدي ویـهلالـها

** ** **

قال:عواد بچاي الرويشداوي

مهرتــك يــبن الـعرادي ماتچل

اشما رخيت اعنانها ابدا ماتمل

لاءن راچبها الاصيل ابن النفل

ابــد مــا مـــر الــتعب عـلبالها

** ** **

اعضاء منتدى’ لغة الضاد

25 جمادي الثاني عام 1443