موسی ابن جعفر ع
الشاعر: الشاعر هاشم آلبوغبیش الفئه: ولائیات,السلام عليك يا موسي بن جعفر
****
يـباب الله بـن جـعـفــر باب الـمــراد
حـشـه اتــرد الأجـوك ابــيــوم وفّـاد
***
يـباب الله و رحـمـتـه الـجـاك طلّاب
رد مـتـروس چـفّـه و بــيـك ماخاب
جدّك حـيـدر الـمـعـروف ابــو أنـگاب
نـفس جـدّك تـجـود و كلكم اجــواد
***
نفس جدّك علي البل هاك مـعــروف
سمحه اچفوف عندك نَعم الأچفوف
انــتــم بـيـت الله الـعـالـم اتـطـوف
عليكم وهيـه تاخذ كلشـي يــنـــراد
***
خـــذت لـمــرادها أمـن الكاظـمــيّـه
عــطـيّـه الـما وراها ابــداً جـــزيّــه
هاللـيـلـه اعـلـه بـابــك يـــوز اديّــه
أمـتـدّن لاتــردهـــن يـبــن الأمـجـاد
***
ابن أمجاد انـتـه و چـفّـك ايـفـيض
كـرم والهاك عـنـدك دون تــعـويض
نيتك بيـضه مـثـل اثـيابـك البـيض
يأسد بـغـداد تـفـخـر بـيـك بـغــداد
***
يأسد بـغـداد هل گاصــد واجيـتـك
وافـــد ســـيـــدي و نازل ثـنـيـتـك
سـجيـتك هاي يالكاظـم سجـيـتـك
تــرحّــب بـالگـصــدلك مــن العـباد
***
هاشم كارون البوغبيـش