موگد الهجران
الشاعر: ألشاعر جواد العتّابي الفئه: وجدانیات,{موگد الهجران }
ذکریاتی و الطفوله
الیل والکاس وشموله
ابزهوة ایام الربیع
العمر مَرَ یحدی الذوله
ارد اسولفلک حکایه
اهوای حلوه
بالخریف الامل ورّد!
ورده حمره
ضحکت اشفاف البراعم
یوم عمری، ولیله عمره
خاطراتی من الطفوله
ادموع تمره
من عثگ برحی المحبه
ابجفن ناعس…
والرطب بلیانی غایص
الدیری یابس….
والغموس اشفاف سمره
اشد مرجوحه الامانی
یدی وجبله
الشوگ هزنی
ورحت اغنی
وغنوة المفطوم عبره
ورحت اغنی
النهر محبوب *
واذوب
الشیص م الله البصوینخ
شیبت
والعید حط عنه بعید
ویبس زیتون المعمره
احلی ذکری
علی الشاطی ابلیله گمره
وانمزج کاس الغرام
ابولع گلبی
وراح ثغره
حامض العنگود بعده
والیحب شف بحر صبره
راحت اسنین الشباب
ابخلم غبشه
ومن صحینه
ورد یمنه مالگینه
والنسیم آهات حسره
البعد عبّاهن ابصدری
ومن اهمومی
ایضیج رحب الکون صدره
امحَلَت بسنینی الیالی
والسلیچ المحل مَرّه
علی الدیره الصبخ عابر *
والعیای، امغطی الواحات غبره
وغدت غفره…
شالو اهلی….
النخل وینه؟
لاسعمرانه لگیت ابگاع ابوی
ولا ابریمه ابگاع عمی
لا کَرَب لا گَلَب شگره
اشلون حالک لاتگلی…
اشلون حالی؟
وعینی تنظر
فحل غنامی خوالی
یذع خالی
حتی من یم{الول}شایل الجالی
وتلهب اگبال {المکینه}النار کبره
دمعتی تجری الدلالی
وتصفن الغربه ابخیالی
یاعذابی
الفرگه مَرّه
و{موگدالهجران }جمره
الهسه یتلاهب ابجوفی
وچبدی کل ساعه ایتچوه
الدرب صوب الشط خذانی
سلمت… مارد سلامی
الطاش ضامی
الطین مالح
وخضرة الچولان صفره
سالت ادموعی اعله خدی
اتذکرت عهد الطفوله
وشوگ بشره
اهنا لعبنه…. اهناگعدنه
اهناضحکنه… اهنابچینه
اشگد هوینه
علی ریحتکم حنینه
روحی
بس الامل وینه
بیش یتسله الگلب
شابت احلوله
وگالو اولاد الحموله
الشوگ سلوه
وسالفت عشرت اهلنه
اهوای حلوه….
ذکریاتی والطفوله
الیل، والکاس، وشموله
وظل کلام اهوای عندی
ما اگوله…….
ارشیف سنه ۷۰ ه ش
جوادالعتّابی
*نهر محبوب.. بالسلیچ
محبوب اسم البلام من اخوانه السمران. الصبح ایعبر اولاد الدیره للمدرسه الثانونیه اتصور النهر کبیر والرمان امورد والعنب امدلی والطلع مروس، والبلم متروس بنات واولاد من فرد سلف طبعاًالاغلب عمام وطیبت گبل…..
*الصبخ…سبخ