هات مجنّس ذکری شهادة الحوراء زینب سلام الله علیها
الشاعر:
منتدىٰ لغة الضاد
الفئه:
ابیات مجنسة ومشاعرة, ولائیات,
هات مجنّس یوم شهادة ألسیدة زینب الکبری سلام الله علیها
من أعضاء منتدی لغة الضاد الثقافي
+++++++++++++
يا خـــميس الــشوم يـومـك ماحله بــالــحزن والــنوح مـوجك ماحله
لـون يـصبح بـيدي بـــابــك ماحله اولا اريد اسمع خذت زينب وفات
محمدحسن آلعرادي
+++++++++++++
یا خـمیس الـحزن یـومک مرنه حــزن زیـنب مـن تـیسرت مرنه
مـر صبرها المرصبرنا مرنه شــلون یــحله مـن تـحل النایبات
ابوحنان البحراني
+++++++++++++
يومك اگـشر مـن دموع الدم مشت والخبر زينب صدگ غربه مشت
يا گـلب يـحمل لـمن راحـت مشت بالــيسر بـعد الأخــو وكــل الحماة
ملا علیرضا النوروزي
+++++++++++++
یا خـمیس الـیوم یــومک زیـنبي وامّـي زیـنه الثقـفتني زیـنبی
کـلمن ایـحب بـیت طـاها زیـنبی ابـحزنـهم یـنصب الــهم نایبات
امطشّر آلبوعبادي
+++++++++++++
وَنّــت الــعبــاس بــالــطـف ونتلـي او فــرد بَـت بـاقـي ابـدلــیلي ونتلـي
ویـن اروح اخــلاف عـــینه ونتلـي من اشوف اچفوف اخوي امگطعات
سیـدمحمـد الفاضلـي
+++++++++++
گـلب فــاگـد غــالــي مـامن راحله انــمرد گــلبي حـسین غالی راحله
ابـغربـه وابـتابــوت زیــنب راحله وبــالــگبر بـاتــت العل هزّل تبات
حسین الحلفي
+++++++++++
ابتوت گلبي تَلها كِـلها مِـن تَلِچ الـشمر بالطف،وَنَه نِسمع مِن تلچ
یالتزور ابقبر زینب مِن تِلِچ گلها لِمصابچ تذوب الراسیات
سیدمحمـدصالح الموسوي آل حكيم
++++++++++++
بـت عـليّ زیـنب فخرها بت عليّ ومثل ابوها الگال تنزل بت عليّ
یالـذي رایــد الـحزنک بـت عليّ صـبر زینب دوه اجروح النایبات
جواد العتّابي
++++++++++++++
بالصبر مرفــوعه زیــنب رایـه الچ وانــتی بـالـتاریـخ ثــابــت راي الچ
ابمجلس اهل الشام طفحت رویه لچ غــرّگــیتي ابــرویـتچ گـــل الطغاة
عبدالامیرالحمیداوي
+++++++++++++++
صعبه هاليجري اعله زينب وشّمر شَــقذَف اعــليها دهـــرهـا وشّمر
ظــهر عاشــر چــيف عاشت وشّمر يــذبـح ابــن امها وسلب منها الحياة
ملا فاضل الثوامري
++++++++++++
يـاگلب دحــــزن دطــوّح ونــه هات عـــالـــبگت عتّل تــنادي ونه هات
غصب جراحروف حزنك ونه هات وانــعه حــرّة الــونها هــد الراسيات
شایع السیلاوي
++++++++++++
وحـگ ضـلع امّچ يزينب ونه بي گــلبي اصبح يــوم فگدچ ونه بي
بــــالــقيامــه تـــــشفعيلي ونه بي تحضرين ابوكت ساعات الممات
عوّاد بچاي الرويشداوي
++++++++++++
خــویه هــاذ الــگلب شیّب هسّبي اهموم کثره او صفت اکثر هسّبي
تــدری بـینه اشسوه بعدک هسّبي ابلا رقیه ارجعت خلونی الطغات
احمد هرجاوي
++++++++++++
أدام الله عطائکم الزینبي وفي سجل اعمالکم
مدیریّة منتدی لغة الضاد الثقافیّة
15 رجب سنة 1443 هـ . ق
148
مشاهده
الجمعة 17 رجب 1443ﻫ