هادي الأئمّه
الشاعر: الشاعر هاشم آلبوغبیش الفئه: ولائیات,قصيده في حق الامام علي الهادي عليه افضل الصلاة والسلام
****
ياعلي الهادي القلم حگّه أمن أگـول
ابوصفـك احتار أشينظّـم من چلـم
***
ألـسّـبـب يـم بابـك ايـشوف الملوك
ذلّــت و طـــخّـــت الك كــل ألأمــم
***
واليجـيك و يخـضــع أبّـابـك أكـيـد
رايــح أيـنـول الـمـناقــب والـقــيـم
***
اليكنـس أبّـيـتـك مـلك لامـو فقـير
يفـتخر مــن حـگّـه لـو عـندك خـدم
***
الحاورك حـسّب يهـزمـك بالـحـوار
لـكـن أگـبـالك نـــعـــم ذل وأنـهـزم
***
أي لأن عــلـمـك عـلــم مـــن ٱلإلآه
حاربـت بـيـه الـجـهـل لـمّـن هـجـم
***
انكسـرجـيشـه و رجع خائب ذلـيـل
وابـوجـودك أي نعم صـرحه انـهـدم
***
ونـتـشر علـمك عـله الـعالـم خـذوه
قدوه الهُم والمـشه ابـنهـجـك سلـم
***
بالـوهـم عاش العـمـر كلّـه و گـضاه
الخالفـك والـمامـشـه ابـدربـك نـدم
***
والنّدم عـاد اشـيفـيده البالـجـحيـم
هاذي تاليته ومع ٱبلـيـس ٱنـسـجـم
***
الحكموا أبعصرك بني العباس أگول
المعـتصـم والـكل الك طخّـوا نـعـم
***
ســيـدي وهاذ الـقلـم يـبـن الجـواد
أي لـون حاير وگــف حـگّـه الـقـلم
***