هوسات فی رثاء الإمام الحسین عليه السلام
الشاعر: ألشاعر محمد حسن العرادي الفئه: هوسات,تعنـّه الشمر صوب حسين واتربّع على صدره
وظـل امـن الگفا وبـالسيف ياويلي ويحز نحره
يـاريــت ابـهذاك الـحال تـنظرحـالـته الــزهـرا
«وابچفها ادواي اصواباته»
* * *
اغبرّت دنية الإسلام والكون انخطف لونه
مـن حـسين حـاطـوا بـيه ونـيّتهم يـذبحونه
كبّر جبرئيل ابصوت وهلـّت دمعة عـيونه
« ظل ينعه حسين اعلى امصابه»
* * *
ما رحـموا لـبوالـسجّاد وعـليه دارت الـفرسان
فريسه وطاح بين الذياب تلهث من بني سفيان
عن حـسين صـاروا ويـن كل هيبة بني عدنان
«ظل طايح وحده ابلاوالي»
* * *
عجبه الأرض ماغارت باهلها ابطيحتك يحسين
لن من طيحتك عالگاع جـسمك هزهز الكونين
هـبطتلك يــبوالــسجاد أمـلاك الــسما امــلايين
«فدّايه هبطت يم جسمك»
* * *
من طاح ابواليمّه حسين وظلـّت تشخب ادمومه
ظلـّت زيـنب اتــناديـه ابّـين الــعدا ومـهضومـه
يـبن امّي ولــوني اعـداك نـومك مووكـت يومه
«والصابك ظل يحدي اضعوني»
احسنتم وبارک الللله فیکم والیوم مصادف یوم عاشر المحرم قد قرات من هوساتکم فی الحسینیه وجزاکم الللله خیرا
فقکم الله ونسئلکم الدعاء