هوسات وداع الحسین مع العائلة
الشاعر: الشاعر هاشم آلبوغبیش الفئه: حسینیّات,الامام الحسين ع يودّع عياله
***
وصل وكت الوداع احسين راد ايودّع اعياله
تلگتّه العقيله ابشوگ و دموع العين هماله
عن صدرك تگلّه أكشف يخويه و هاي أشد حاله
عد زينب بطّـف ندريها
تگلّه أكشفلي عن صدرك يخويه احسين يبن أمّي
وصيّه و كون أنفّذها وقبّل نحرك أبفمّي
اشبع شوف منّك كون مدامك يالأخوا يمّي
باچر ماشوفك يعيوني
ماشوفك بعد يحسين اثاري الليله خطّاري
يمصباح الهدى لجلك عَلَى ظلمه ايغدي انهاري
مزهره الدار بيك اتكون و باچر تنگشع داري
لو داست صدرك خيّاله
لو داست يخويه احسين صدرك خيل عدوانك
احسب رايحات أذياه بالبر كلها نسوانك
منو ايرد العساچر عود و ولاواحد من اخوانك
يمّي ايظل كافل يحميني
ابلا كافل نظل اشلون يخويه احسين انشدك ليش
ماظنن تهون اعليك نسوانك تره ابنص جيش
مايهنالي شرب الماي عگبك لا لذيذ العيش
ويّاك الموت اشمحلاته
اشحلات الموت يمّك كون اموت و لااعوفنّك
رميه اعله الثره و مسلوب هدمك چيف اشوفنّك
ادري ابهل وضع ميهون عليك و انه اعرفنّك
غيراوي و ياذيك اعتابي
غيراوي واعرفك زين وادري اعتابي ياذيلك
تره أوجس دليلي ابخوف بعدمن ظيمي شحچيلك
ماني اختك يبوالسجّاد دنهض گوم شد حيلك
لديار اهلي اترد اظعوني
بعد هيهات أرد لديار اهلنه الصارت ابعيده
استعدّي أمن الصبح لوصار السبيچ وسطت البيده
چتل كل اخوتچ يرحون يزينب والعَدو عيده
باچر لو شافچ مهضومه
هاشـم كارون البـوغـبيـش
سلام عليكم ياسيدي يا مولاي حسين