هوى النعناع

…هوى النعناع….
.
روازين الهوى ابلياك مختنگه….
مشتاگه السچچ والشارع اوحينه….
مشتاگه الرموش البان مدامعهن سواني اعله الوجن بينه…..
يل حاسب الفرگه احساب عندك والليالي ابحسبتك هينه….
مر اشتاك مشراگة شمس واليل عسعس وانكسف ضينه…..
صلبة عود ياروحي ابهواك اشگد صفت لينه….
….ياريحة هوى النعناع…..
يا حس الدثيث البيك مرهم كل جرح للگاع….
…باب العيد بعيونك….
لون الورد ظل خجلان ياخذ من شكل لونك….
…..هذن واتلومني امن اشتاگ….
تعذرني امن اهيم اعليك يا خذني العشگ وانباگ….
تعذرني امن الوج اعليك اهدل يلعزيز ازياگ…..
….معنونه وتعت بيه ورسنها احتل….
تسودن رايها امن اجفاك ماحت والعگل مختل….
….عفه ومطاردها الملگه….
غريبه الروح گلي ابغيبتك شلگه…
روازين الهوى ابلياك مختنگه….
…..
…..ابو ياسين السيلاوي…..🌷