وجدانیة الفاطمي
الشاعر: ألشاعر هادي الفاطمي الفئه: وجدانیات,وجــــدانیّة الفاطمي
*******
اشهد غيرك آنه و غيرك انت ويـــــاي
چــنت اوياي انته و كائنك خنتـــــــه
***
تالي و تاني تالي و جبته تالي ويــاك
و هاي اسنين اتاني و تالي هاي انـتـه
***
اخرس من گفــاك و وجهك ابكم چان
و گلت الــضاد عندك باللغة اتقـنته؟؟
***
و عينك مو صحيحه بكل حروفك شين
و شين و شين انت بـشينــه دشّــنته
***
مثل الغيم تمشي و انه امشي ويـــاك
بس غيمك طمع شمس الله ثاقـــبتـه
***
لا فيّك حصل لا زخــّـــه بيــك تلـوح
يبرج ظاهرك بس ما مـــطر شفتـــه
***
شلهه الناس بيك و حلها بيك الناس؟
كلك ما تحل رجل الــدجـــاجه انته
***
رغم كل بلّه طينك طينه يابس چـان
موتك ما يفز لو عيسي هَـف بخــته
***
يا كارة حچي بظهر ام جميل انشال
تب بـالحملتك و بكل حچي الشلتـه
كاسرلك فياي بحچيي الف… اليــاء
و من عظمة لسانك عظمي كسّــرتـه
***
تصعد فوگ تلّك حتي فوگ تــصير
و فوگ تصير رقمك اربعــه و ستة
***
حصن الله تصيح و انت حصن ابليس
و المنكر حـــــــــصانك شهوه سمّنته
***
لا تقتل مقاتل لا تــــــــــطب اقــتـال
بس ظهر الظمير ابــــتهمه قاتلتـــــــه
***
و حتي تصير عين بعين اهــل الخـيام
سگاي الـــــــــبعـيرة الــخيمــــة عيّنتـه
********
هادي_الفاطمّي