وزن السریع

قصيدة قديمة تشرح وزن السريع كُتبت لغير زمانٍ ومكان ..

بحر السّريع ابوَزنه يحمل دُرر
والعِنده هِمّه ايخوض هذا البحر

وزن السّريع اكثير عنّه الحچي
وچم شاعر ابنظمه عماه البچي
ماريد مثله اتگوم الي تشتچي
واتگلّي قلمي ابنظمه زَلّ وعثر

لو جاك إفتح لجله باب الگلب
ولَتگول ما أگدر أنظمه وصعب
هُوّ وزن مابيهْ خوف ورُعُب
والجرّب ابنظمه فلاٱتظن خسَر

هذا الوزن صَح هُوّ صعب الشّكل
بس من تنظمه ايصير عندك سهل
قاعده خلّيلك وإكتب مثل
أي شاعر الگبلك رسَم بي صوَر

خل نجتهد وانقلّل المسخره..!
وخلّينه نتقدّم ولا ٱنرِد وره
والما يخرّب ما يعمّر تره
بس الزّرَع تالي يحَصْل الثّمر

صدّگني ما يصعب لونّك ردت
وانته اللي تتبع للدّرس عاهدت
چا ليش عن وزن السّريع ابعدت
توضيح عنّه اعطيك بس مُختصر

وزن السّريع الأدب عنّه علن
أجزاءه منّ اثلاثه يتشكّلن
(مستفعلن مستفعلن فاعلن)
بس إحفظ الهِن واكتب اعله الأثر

هذا الأساسي الهالوزن شكله بات
ويوجد نموذج ثاني ضمن الأدات
(مستفعلن مستفعلن فاعلات)
وعندك شكل أشهَر نماذج ظهَر

توجد نماذج كثره حگ هالوزن
بس هالثنين اكثر يجن عاللحن
خلّيك ويّاهن ولا تمتحن
وابنظمه منّ اتجِد تنول الظّفر

هذي الطريقه امن الوزن إسمه (تام)
وابشرحه من نشرَع يطول المقام
بس للعِلِم أذكر إلك هالكلام
وعِدنه بعد توجد طرايق أُخَر

ثاني طريقه لو ردت تتّبع
(مقطوع) إسمه ويختلف بالوضع
أگصر من (التام) ابشكل منقطع
والهالسّبب (مقطوع) إسمه اشتهَر

وثالث طريقه من نجي انتابعه
إسمه (المطوّل) يختلف موقعه
من حيث تفعيلات اله أربعه
غير النّماذج هذي واخذ الحَذَر

عذروني طوّلت ابكلامي أحِس
وياليت لا تستصعبون الدّرس
اتشبشون اخافن تالي دهن ودبس
وزن السّريع الشّرح لو بي كثَر

✍🏻 منصور العرادي