چف العوز
الشاعر: ألشاعرة ام عدنان سیّاحي الفئه: اجتماعیات,چف العوز
❉ ❉ ❉ ❉ ❉ ❉ ❉
چف العوز يرجف من تشوفه الناس
يطلب للمعــونه وبـي چثيره الغــاز
مره ينجبـر خاطــر ابكـــل احساس
وابجــنة عــدن يتفاخـــر الــي فــاز
مره ابچلمه وحده اتصير هزه ابساس
وال لبَه الطلــب حسباله سوه انجـــاز
اه امــن الــدنيــه اشلون تكسر بــاس
تـلـوي اذراع كــل مهيــوب بشمـئــزاز
غــدار الــوكــت للمــجـد هـبــط راس
ذل اهواي مـن جــوره نفـوس اعــزاز
الـدنيه مــن تعـادي اتــزغــر المـقياس
وتــرخــص ثمــين السعر مــن يعــتاز
يثـلــم بـلگلـب ضرب الخجل كالفاس
ابلحظه امن الفشل جرح ابألم ينحاز
مجروحـه تضل روح ابوضــع حساس
وسط الجرح چــن سهم المواجـع راز
ونفوس الــعزيــزه ابكــل شكل تنداس
لان دنيـــه التجــافي بيــها كلشي جاز
❉ ❉ ❉ ❉ ❉ ❉ ❉ ❉ ❉
✍ام عدنان سياحي