چف يتامه
الشاعر: ألشاعر شایع ألسیلاوي الفئه: اجتماعیات, وجدانیات,چف يتامه…
بيضة ما شافت محنة…
سمرة من لون الشوارع
لمت اتراب الخرايب حضرت للعيد حنة….
جمعت كومت كواغد اي كواغد كلها منة…
رسمت العيد ابحلمها
خطت اعله الگاع جنة…
وغسلت اردان الشرب طارفها دمعة …
ولمت اغبار المعابر حفنة روحة وحفنة رجعنة….
وعصرت اشليل الگلب وجها اويه لونه
وفورت ماي الشمس موگدها شمعة….
وحضرت ليلة مواجع…
وحنت البيبان بألوان المدامع…
جاي عيد ابلاية عيد
باچر اتخيط عباية الشمس گعدات الرصيف…
باچر ايصور شكلها وياخذ الوانه الخريف…
باچر اضواء المدينة ايشع ضواها امدورة ابشكل الرغيف…
باچر النظرات ترجع من جديد وهاك لا هناك كاغد ماية هيف…
وشوفة اگصصهم صحاري وگاع شلوة وعاشرت بشتاها صيف…
باچر انعوض على الله
وچلمت العونك صدگ بحلوگ اهلنه…
باچر اشموع ألامل تضوي ابنزلنة….
…ابو ياسين السيلاوي….